Agjencia Zhurnal.mk
Bota

Kërcënim për një front të ri? Ushtria izraelite: Tri raketa u nisën drejt Izraelit nga Libani, ja ku përfunduan

Tri raketa u nisën nga Libani drejt Izraelit verior të enjten, por ranë në Detin Mesdhe, duke mos shkaktuar dëme ose viktima, tha ushtria izraelite.

Sipas France24, shkrepja e raketave kërcënoi të hapte një front të ri në luftimet e përshkallëzuara midis Izraelit dhe grupit militant palestinez Hamas në Gaza.

Forcat e Mbrojtjes së Izraelit (IDF) të enjten thanë se tre raketa u qëlluan nga Libani në Detin Mesdhe pranë brigjeve të Izraelit verior në një postim në Twitter.

IDF nuk dha detaje se kush i lëshoi ato por dy burime pranë armikut të Izraelit, Hezbollah, i thanë AFP-së se grupi Shiit Libanez nuk kishte asnjë lidhje me incidentin.

“Pak më parë, tre raketa u lëshuan nga Libani në Detin Mesdhe në brigjet e Galilesë”, citohet të ketë thënë ushtria e Izraelit në një deklaratë. “Sipas protokollit nuk u dëgjuan sirena”.

Deri më tani, vë në pah France24, nuk kishte asnjë koment të menjëhershëm nga Bejrut në lidhje me incidentin.

Raketat nga Libani erdhën “midis një përshkallëzimi të luftimeve midis Izraelit dhe Hamasit”, shkruan tutje France24.

Më herët të enjten, grupi militant palestinez hapi një breshëri raketash në Izrael. Disa orë më vonë, Izraeli goditi Gazën me artileri dhe predha tankesh, duke i detyruar familjet të largoheshin nga shtëpitë e tyre, thanë dëshmitarët palestinezë.

Përdorimi i zjarrit të artilerisë në ofensivën katër-ditore të Izraelit rriti gjasat e viktimave civile.

Izraeli zhvilloi një luftë të vitit 2006 kundër guerilasve të Hezbollahut por kufiri ka qenë kryesisht i qetë që nga ajo kohë.

Postime të ngjashme

Spanja do të falë politikanët e dënuar katalanas

Dafina Vidishiqi

India vaksinoi mbi 8 milionë njerëz në një ditë

Dafina Vidishiqi

SHBA, BE, Kanadaja dhe Britania, sanksione të përbashkëta kundër Bjellorusisë

Dafina Vidishiqi

Vuçiq pritet të flasë para deputetëve për dialogun me Kosovën – por çfarë kishte thënë në vitin 2019?

Dafina Vidishiqi

Kryeministri britanik: Besojmë se më 19 korrik do të kemi lehtësim të masave kundër COVID-19

Dafina Vidishiqi

Rusia ndalon një OJQ arsimore amerikane

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...