Maqedoni TOP LAJM

Kërkohet formimi i një reparti të veçantë në Prokurori për sulmet ndaj gazetarëve

Zhurnal Ads

Shkup, 2 tetor – Zhurnal.mk – Proaktivitet më të madh për sulmet ndaj gazetarëve dhe punonjësve mediatik, si dhe formimin e një reparti të veçantë në Prokurorinë Publike për këtë lloj të rasteve kanë kërkaur përfaqësuesit e Shoqatës së Gazetarëve të Maqedonisë, nga prokurori publik Ljubomir Joveski, informon Zhurnal.

Siç njoftuan nga SHGM, në takim janë hapur disa çështje lidhur me përmirësimin e gjendjes së gazetarëve dhe punonjësve mediatik si dhe Prokuroria të jetë më aktive në ndjekjen e atyre që kërcënojnë gazetarët dhe shkelin të drejtat e tyre.

“Në regjistrin e SHGM-së për sulme mbi gazetarët nga fillimi i këtij viti deri në këtë moment kemi regjistruar 14 sulme mbi gazetarët, prej të cilave më tepër se gjysma janë sulme mbi gazetare femra. Në vitin 2019 kishim vetëm 4 sulme dhe ky trend negativ duhet të ngritë alarmin para se gjithash në PTHP, veçanërisht duke patur parasysh se sipas evidencës sonë nuk ka asnjë aktakuzë të ngritur kundër sulmuesve”, thotë kryetari i SHGM-së, Mlladen Çadikovski.

Nga SHGM kanë dhënë dhe një propozim konkret për formimin e një reparti të veçantë në Prokurori për ndjekje të krimit të organizuar për sulm mbi gazetarët dhe punonjësit mediatik.

“Detyra e këtij reparti të posaçëm është të hetojë shkeljet e të drejtave të gazetarëve nga sivjet, por edhe ato më të vjetrat, sepse vetëm në këtë mënyrë do të përmirësohet praktika negative e mos ndëshkimit e cila për momentin është prezente”, tha drejtori i SHGM-së, Dragan Sekullovski.

Nga SHGM njoftojnë se edhe prokurori Joveski ka shprehur gatishmëri që në periudhën në vijim të kontrollojë rastet dhe do të bisedojë për formimin e një reparti të veçantë.//Zhurnal.mk

Postime të ngjashme

466 shkelje për mos-mbajtje të maskës

T E

Në mënyrë intenzive vazhdojnë punimet te shkolla fillore “Jashar Bej Shkupi”

Z H

Vazhdojnë festat e shfrenuara në Maqedoninë e Veriut, pa maska dhe pa distancë

XH,I
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...