Agjencia Zhurnal.mk
Kosovë

Kërkohet paraburgim ndaj 24 të dyshuarve, që u ndaluan në aksionin e së enjtes në Karaçevë dhe rajone tjera

Prokuroria Themelore në Gjilan njofton se nga prokurorja e rastit, Rozelida Manastiri është kërkuar caktimi i masës së paraburgimit, në afat prej 30 ditësh, nga Gjykata kompetente në Gjilan, ndaj 24 personave të dyshuar, të cilët janë ndaluar gjatë aksionit të zhvilluar më 01 retor 2020, i cili ka qenë vazhdimësi e aksionit të Karaçevës.

Sipas kërkesës, të pandehurit R.S., L.M., F.A., A.A., N.M., H.Rr., P.Sh., A.D., F.B., R.K., I.Th., R.A., A.Th dhe F.K., që nga muaji nëntor 2019, në zonën kufitare mes Republikës së Kosovës dhe Republikës së Serbisë, përkatësisht në territorin e fshatit Karaçevë, komuna e Kamenicës, në vazhdimësi, me dashje dhe me qëllim të përfitimit të kundërligjshëm pasuror, kanë ndërmarrë veprime për të kontrabanduar gjedhe, të cilat i kanë bartur përmes rrugëve ilegale jashtë vijës kufitare, duke iu shmangur kontrollit doganor.

Në këtë mënyrë dyshohen se kanë kryer veprën penale ‘’Kontrabandimi me mallra’’, të Kodit Penal të Republikës së Kosovës (KPRK).

Ndërsa, të pandehurit J.H., N.Sh., Sh.K., K.M., U.A., B.R., A.H., H.M. dhe J.B., që nga muaji dhjetor 2019, si persona përgjegjës të bizneseve për përpunimin e mishit, me dashje dhe me qëllim të përfitimit pasuror, kanë blerë gjedhe, për të cilat kanë pasur dijeni se janë të kontrabanduara dhe me qëllim të shitjes kanë prodhuar dhe vënë në qarkullim produkte të mishit, pa u bërë kontrollet e nevojshme sipas standardeve.

Me këto veprime, dyshohet se kanë kryer veprat penale “Blerja, pranimi ose fshehja  e sendeve të përfituara me kryerjen e veprës penale”, dhe “Prodhimi dhe vënia në qarkullimin e artikujve të dëmshëm ushqimor”, të KPRK-së.

Ndërsa, i pandehuri I.K., që nga muaji shtator 2019, deri më 18 shtator 2020, në lokalin “Automate  Club”, në fshatin Karaçevë, komuna e Kamenicës, me qëllim të përfitimit të kundërligjshëm pasuror, në mënyrë të kundërligjshme dhe në vazhdimësi ka organizuar lojërat të fatit, të cilat janë të ndaluara me ligj.

Në këtë mënyrë, ka kryer veprën penale “Organizimi  i skemave piramidale dhe bixhozit të paligjshëm’’, të KPRK-së.

Seanca për caktimin e masës së paraburgimit pritet që të mbahet sot para gjyqtarit të procedurës paraprake. /Telegrafi/

Postime të ngjashme

Kurti me rastin e “Ditës së Evropës”: Për njerëzit e Kosovës, BE-ja është më shumë se struktura dhe institucione

N E

Nga një aksident rrugor në Carralevë të Shtimes kanë humbur jetën dy fëmijë

N E

Ministri i Punëve të Brendshme Xhelal Sveçla ka reaguar lidhur me sulmin në Zubin Potok

N E

Ministri i Jashtëm kroat Gordan Grliq-Radman i reagon Vulinit pas deklaratës se Kroacia dhe Kosovën janë “vëllezër të armëve”

N E

Policia e Kosovës jep detaje lidhur me rastin e ndodhur sot në Zubin Potok

N E

Vjosa Osmani sot kujtoi heroin e kombit, Ilir Konushevcin: Iliri dhe liria janë një

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...