Agjencia Zhurnal.mk
Shqipëri

Kërkoi shpalljen festë kombëtare, Presidenti Meta uron 3 shtatorin: Nderi dhe shpëtimi i tërë Shqipërisë

Një ditë pasi kërkoi shpalljen e 3 shtatorit si festë kombëtare, kreu i shtetit, Ilir Meta ka uruar gjithë shqiptarët për këtë dite te shënuar te historisë sonë.

Përmes një mesazhi në rrjetet sociale Meta tha se lufta e Vlorës i dha fundin e merituar projekteve për shpërbërjen e Shqipërisë.

Mesazhi i plotë:

GËZUAR 3 SHTATORIN, DITËN MADHËSHTORE QË JETËSOI PAVARËSINË E SHQIPËRISË!

Sot, 100 vjet më parë, populli shqiptar i bashkuar në Luftën Kombëtare të Vlorës u dha fundin e merituar projekteve për shpërbërjen e Shqipërisë, duke hedhur në det pushtuesit dhe i dalë zot vendit, pas muajsh luftimesh heroike.
“Nuk qe vetëm nderi dhe shpëtimi i Vlorës por qe nderi dhe shpëtimi i tërë Shqipërisë”.

Mirënjohje të gjithë luftëtarëve të lirisë, kapedanëve që komanduan, mjekëve që shëruan plagët, atyre që hartuan ultimatumin dhe atyre që e zbatuan atë me gjakun e tyre, në mbrojtje të fitoreve të Ismail Qemalit dhe Isa Boletinit e që dëshmuan se Zot i kësaj toke janë vetëm shqiptarët.

Nderim veprës heroike, sakrificave sublime dhe kujtimit frymëzues të atdhetarëve, të cilët shkruan epopenë e lavdishme të Luftës së Vlorës!

Ndaj çdo 3 Shtator dhe çdo 28 Nëntor çdo shqiptar kudo ndodhet, ndihet edhe vlonjat, sepse këtu në Vlorë u bë historia, këtu u ngrit Flamuri Kuq e Zi, këtu u nënshkrua liria, këtu u jetësua Pavarësia dhe kjo ndodhi me gjakun e bijve më të mirë të kësaj toke.

3 shtatori duhet shpallur FESTË KOMBËTARE! 🇦🇱

Postime të ngjashme

“BE po ju ndjek nga afër” Soreca: Vetëpërmbajte, shmangni dhunën

S.B.

“Ish-ushtarakë dhe ish-punonjës policie të përfshirë”, Veliu: Ja si ndodhi konflikti në Elbasan

S.B.

PS mbyll fushatën për Tiranën, Rama mesazh patronazhistëve: Asnjë frikë, prej atyre që kanë kapur alltiet e marrëzisë që të ndalin të pandalshmen

S.B.

“Krim i shëmtuar”, OSBE kërkon zbardhjen e ngjarjes së Elbasanit. Reagon edhe Presidenti Meta

S.B.

Incidentet/ Meta thirrje ndërkombëtarëve: Të jenë më parimorë dhe të reagojnë në kohë

S.B.

Rama 3 ditë para zgjedhjeve: Ndalimi i disa iftareve mbrëmë nga paramilitarët e PD një çmenduri, thirrja ime është për qetësi, durim e besim

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...