Shkup, 23 gusht – Këtë javë duhet të arrijnë 250 terminalet e parë për leximin e shenjave të gishtërinjve që do të përdoren në zgjedhjet lokale më 17 tetor. Siç paralajmëroi kryetari i KSHZ-së Aleksandar Dashtevski në intervistën e fundit për MIA-n, fingerprinter aparatet duhet të jenë në vend më 25 gusht.
Kompania gjermane “Dermalog” me të cilën KSHZ-ja nënshkroi marrëveshje në vlerë prej 11 milion eurove, përveç shpërndarjes së terminaleve për leximin e gjurmëve të gishtërinjve, do të kujdeset për sistemin për funksionimin e tyre, si dhe mirëmbajtjen në katër vitet e ardhshme ose katër cikle zgjedhore. Ndër të tjera, punonjësit e kompanisë “Dermalog” duhet të bëjnë inspektim teknik të terminaleve, si dhe manuale përdoruesi që do të kenë secili president dhe nënkryetar i bordit zgjedhor, përfshirë trajnimin e tyre të trajtimit. Terminalet nuk do të lidhen me internetin dhe siguria e të dhënave personale të qytetarëve është e garantuar.
Ndërkohë, përgatitjet për zgjedhjet lokale po intensifikohen dhe më 21 gusht filloi inspektimi i Listës së votuesve, që do të zgjasë deri më 9 shtator.
Qytetarët të dhënat e tyre në Listën e votuesve mund t’i kontrollojnë përmes faqes së internetit të KSHZ-së – www.sec.mk ose në https://izbirackispisok.gov.mk/, ose në zyrat dhe njësitë rajonale.
Deri më 9 shtator, qytetarët duhet të paraqesin kërkesën për regjistrim, fshirje ose shtesë në Listën e Votuesve me shkrim në njësitë rajonale ose zyrat e KSHZ -së ose t’i drejtohen në mënyrë elektronike Komisionit dhe të paraqesin dëshmitë e duhura.
Afati për përfundimin e Listës zgjedhore me të gjitha ndryshimet, si nga qytetarët ashtu edhe nga partitë politike, është 24 shtatori, ndërsa Lista e Zgjedhësve duhet të nënshkruhet përfundimisht deri më 1 tetor.
Nga 16 gushti filloi edhe mbledhja e nënshkrimeve për listat e pavarura në zyrat rajonale dhe zyrat e Komisionit Shtetëror Zgjedhor. Deri në fund të javës së kaluar, nënshkrimet u mblodhën për katër lista të pavarura kandidatësh dhe afati përfundon më 30 gusht në orën 24:00.
Zyrat dhe sektorët rajonal të KSHZ-së janë të hapura çdo ditë nga 8 e mëngjesit deri në 8 pasdite. Ata do të punojnë deri në orën 21:00 më 27, 28 dhe 29 gusht, dhe deri në mesnatë më 30 gusht.
Partitë tani më kanë filluar shpalljen e kandidatëve për kryetarë dhe këshilltarë.
LSDM -ja qeveritare dhe koalicioni paralajmëruan se do të shpallin disa nga kandidatët për kryetarë komunash më së voni deri më 24 gusht (e martë).
VMRO-DPMNE-ja të premten i shpalli emrat e 19 kandidatëve të tjerë për kryetarë komunash dhe paralajmëroi bashkëpunim në zgjedhjet lokale me Aleancën për Shqiptarët dhe Alternativën.
Listat e kandidatëve për zgjedhjet lokale duhet të dorëzohen tek Komisionet komunale zgjedhore jo më vonë se 11 shtator në mesnatë, dhe duhet të konfirmohen deri më 18 shtator nga KKZ -ja dhe të shpallen.
Fushata zgjedhore për raundin e parë fillon në mesnatën e 27 shtatorit dhe përfundon në mesnatën e 15 tetorit.
Zgjedhjet, të cilat sërish do të mbahen nën protokollet për mbrojtje nga përhapja e Kovid-19, janë caktuar për më 17 tetor. Raundi i dytë i zgjedhjeve duhet të mbahet më 30 tetor.