KFOR reagon pasi serbët sulmuan policët gjatë aksionit kundër kontrabandës së mallrave në veri

Policia e Kosovës ka realizuar sot një operacion kundër kontrabandës së mallrave, operacion ky që u zhvillua në katër lokacione, ku u prangosën katër persona, e pesë tjerë janë në kërkim.

Policia po ashtu bëri të ditur se në operacionin e sotëm janë sekuestruar mallra dhe dëshmi të ndryshme të kontrabanduara në vlerë prej qindra mijëra euro, të cilat shërbejnë si prova materiale, të cilat kanë qenë të vendosura në lokacione të ndryshme, lokale afariste, magazina/depo etj.

Në njoftimin zyrtar nga Policia thuhet se, në rajonet tjera operacioni policor ka kaluar pa probleme,  kurse në Mitrovicë veriore grupe kriminale në mënyrë të organizuar janë grumbulluar, kanë krijuar bllokime të rrugëve me mjete të ndryshme transportuese, kanë përdorur bombola gazi, shok bomba, të shtëna me armë zjarri e granata dore, me qëllim të pengimit dhe sulmit ndaj zyrtarëve doganorë dhe policorë, të cilët kanë qenë në kryerje të detyrës zyrtare.

Nga sulmet e huliganëve serbë në veri u lënduan gjashtë zyrtarë policorë, pesë të nacionalitetit shqiptar dhe një i nacionalitetit serb.

Lidhur më gjendjen e krijuar sot në veri, është deklaruar edhe NATO. Nga NATO në një përgjigje për Telegrafin thonë së janë në komunikim të vazhdueshëm me institucionet përkatëse në Kosovë, dhe se Polica ka kryer operacion në zbatim të ligjit.

“Policia e Kosovës po kryen një operacion të zbatimit të ligjit në të gjithë Kosovën. Misioni i KFOR-it i drejtuar nga NATO është në komunikim të vazhdueshëm me të gjitha institucionet përkatëse në Kosovë dhe me përfaqësuesit e Komunitetit Ndërkombëtar. Dhe mbetet plotësisht i fokusuar në zbatimin e përditshëm të mandatit të tij në OKB – sipas Rezolutës 1244 të Këshillit të Sigurimit të Kombeve të Bashkuara të vitit 1999 – për të vazhduar sigurimin e një mjedisi të sigurt dhe të sigurt dhe lirinë e lëvizjes për të gjitha komunitetet që jetojnë në Kosovë”, thuhet në përgjigjen e NATO-s.

Më tej, në përgjigje thuhet se KFOR-i vazhdon të mbështesë marrëveshjen e fundit të arritur mes Kosovës dhe Serbisë sa i përket targave.

Vlen të ceket se kjo është java e dytë që KFOR-i është pozicionuar në dy vendkalimet kufitare me Serbinë, Jarinë dhe Bërnjak, pas marrëveshjes së arritur mes dy shteteve për targa.

KFOR ka marrë nën kontroll situatën në këto vendkalime kufitare pas dy javësh që serbët kishin ngritur bllokada në rrugë, pasi Kosova kishte vendosur të aplikojë masën e reciprocitetit për targa.

Related posts

Turqia po përballet me zjarre të mëdha, Osmani i shkruan Erdoganit: Kosova është me ju

D V

​Nga sot hyrja në lokale vetëm me dëshmi të vaksinimit apo testit negativ

D V

Vitia: Deri më 17 tetor fokusi im do të jetë në Ministrinë e Shëndetësisë

D V

This website uses cookies to improve your experience. We'll assume you're ok with this, but you can opt-out if you wish. Accept Read More