Ministria e Tregtisë e Kinës njoftoi të martën vendimin për forcimin e kontrollit mbi eksportin e artikujve përkatës me përdorim të dyfishtë në ShBA për të mbrojtur sigurinë dhe interesat kombëtare të vendit dhe për të përmbushur angazhimet në lidhje me mospërhapjen dhe detyrimet e tjera ndërkombëtare.
Sipas një deklarate në faqen zyrtare të Ministrisë, eksporti i artikujve me përdorim të dyfishtë për përdoruesit ushtarakë të ShBA-së ose për qëllime ushtarake është i ndaluar.
Deklarata vëren se, në parim, eksporti i artikujve me përdorim të dyfishtë, si galiumi, germaniumi, antimoni dhe materialet super të forta në ShBA nuk do të lejohet, ndërsa do të kryhen kontrolle më të rrepta mbi përdoruesit përfundimtarë dhe qëllimet e përdorimit për eksportin në ShBA të grafitit, një produkt me përdorim të dyfishtë.
Sipas ministrisë, ky vendim hyn në fuqi menjëherë.