Agjencia Zhurnal.mk
Bota

Kina po e shqyrton mundësinë e kombinimit të vaksinave kundër COVID-19

Një zyrtar i lartë i Kinës për kontrollin e sëmundjeve tha se Pekini zyrtar po e konsideron mundësinë e kombinimit të vaksinave kundër COVID-19, duke e pranuar se efikasiteti i vaksinave ekzistuese “nuk është aq i lartë”.

Sipas të dhënave të publikuara, vaksinat e prodhuara në Kinë qëndrojnë shumë prapa atyre të prodhuara nga Pfizer dhe Moderna, sa i përket efikasitetit që kanë ndajë sëmundjes COVID-19. Megjithatë, për shkak të teknologjisë me të cilat janë prodhuar, vaksinat e kompanive kineze, nuk kërkojnë temperatura shumë të ulëta për t’u ruajtur.

Vaksinat ekzistuese “nuk kanë nivele të larta të mbrojtjes”, tha Gao Fu, drejtor i Qendrës kineze për Kontrollin dhe Parandalimin e Sëmundjeve.

“Vaksinimi, duke përdorur vaksina të linjave të ndryshme teknike, po shqyrtohet”, tha ai në një konferencë për media.

Gao tha se edhe ndryshimi i intervaleve kohore ndërmjet dozave të vaksinës, por edhe kombinimi i dozave të vaksinave të ndryshme, do të mund të ndikonte në efikasitetin kundër koronavirusit.

Kompanitë kineze deri më tani kanë prodhuar katër vaksina kundër koronavirusit, të cilat janë miratuar për përdorim dhe të shtunën, zyrtarët kinezë thanë se do të jenë në gjendje, që deri në fund të vitit të prodhojnë tre miliardë doza të vaksinave kundër COVID-19.

Vaksina e prodhuar në Kinë, Sinovac, sipas të dhënave nga studimi klinik i kryer në Brazil, është pak më shumë se 50 për qind efektive ndaj koronavirusit. Por, sipas të dhënave të një studimi të bërë në Turqi, kjo vaksinë ka një efikasitet prej 83.5 për qind.

Megjithatë, për vaksinën tjetër, Sinopharm nuk ka të dhëna të sakta për efikasitetin, por është thënë se sipas rezultateve të studimeve të brendshme, ajo është 79.4 për qind efikase.

Organizata Botërore e Shëndetësisë më herët gjatë javës, nuk ka rekomanduar përdorimin e dy llojeve të vaksinave për imunizim. Ky institucion thotë se njerëzit duhet të injektohen me dy dozat e së njëjtës vaksinë./REL

Postime të ngjashme

Gjermania kundërshton propozimin e mbështetur nga SHBA-ja për të hequr dorë nga patentat për vaksinat kundër KOVID-19

N E

Në Francë nga 12 maji të gjithë qytetarët pa dallim moshe kanë të drejtë të aplikojnë për t’u vaksinuar

N E

Ish-presidenti i Maldiveve plagoset në një shpërthim

N E

Qetësohet situata në ishullin e Jersey, anijet luftarake Franceze dhe Britanike tërhiqen

N E

Presidenti Slloven: E dimë nga përvoja se ndryshimet e kufijve në këtë pjesë të Evropës nuk zhvillohen pa flijime

N E

Dendias: SHBA do të ishin partneri ideal për të bindur Turqinë të pranojë Konventën e Detit

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...