Agjencia Zhurnal.mk
Kronika

Kolorado/ Festa e ditëlindjes përfundon në tragjedi, një person i armatosur qëllon për vdekje 6 pjesëmarrës dhe në fund vret veten

Një person i armatosur qëlloi për vdekje gjashtë vetë dhe pastaj veten në një organizim ditëlindjeje, në Kolorado të dielën.

Të shtënat ndodhën në një park shtëpie të lëvizshme ku familjet ishin mbledhur për të festuar.
“I dyshuari, ishte i dashuri i njërës prej vajzave që u vranë. Sipas raportimeve nga policia e Kolorados, ai hyri brenda dhe filloi të qëllojë. Ende nuk dihet çfarë mund ta ketë shtyrë drejt këtij akti tragjik.

Viktimat janë të gjithë të rritur, megjithëse disa fëmijë ishin të pranishëm, shkruan BBC.
“Ky akt i tmerrshëm ka rezultuar në vdekjen e gjashtë viktimave të rritura. Fëmijët në rimorkio nuk ishin të dëmtuar nga i dyshuari dhe tani janë me të afërmit”, tha policia lokale.

Oficerët e policisë iu përgjigjën një thirrje në Canterbury Mobile Home Park rreth orës 12:18 me kohën lokale.

Kryebashkiaku i Kolorados, John Suthers e quajti një “akt të pakuptimtë dhune”, duke thënë: “Sot ne e gjejmë veten duke mbajtur zi për humbjen e jetës dhe duke u lutur solemnisht për ata që u plagosën dhe ata që humbën anëtarët e familjes.”

Në mars, 10 njerëz u vranë në një të shtënë masive brenda një dyqani ushqimesh në qytetin Boulder të Kolorados. Autori i dyshuar u arrestua më vonë. Ai tani përballet me 10 akuza për vrasje.

Postime të ngjashme

Një qytetar i Dibrës është plagosur me armë zjarri

Zekirija Haxhiu

Marihuana në malin e Tetovës, paraburgosen tre shkupjanët!

Dafina Vidishiqi

Ndërron jetë 32 vjeçarja që u përfshi në aksidentin në Ferizaj, ku kishin humbur jetën edhe katër familjarët e saj

Dafina Vidishiqi

Tragjedi në Kërçovë / Djali ther me thikë babain, nga plagët vdes në spital

Dafina Vidishiqi

Aksident i tmerrshëm afër parkut të Çairit, ka të lënduar

Dafina Vidishiqi

Sanksionohen 213 shoferë në Shkup, 34 për vozijte të shpejtë

Zekirija Haxhiu

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...