Shkup, 22 qershor – Këto pamje të rrugës së Shutkës janë vetëm para katër ditëve. Se kur do të pastrohen mbeturinat e shumta të cilat gati se kanë bllokuar rrugët, pyetëm Kryetarin e Komunës së Shutkës, Kurto Dudush, i cili shkurtimisht u përgjigj se mbeturinat po pastrohen.
“Mirëmëngjes, po pastrohen”.
“Përgjigjen e kryetarit të Komunës së Shutkës dolem për të parë në terren, por përderisa po qëndrojm këtu asnjë kamion nuk po lëvizë për të pastruar e siç mund të shihen rrugët janë të njejta”.
Përkundër asaj që nga Komuna e Shutkës thonë që kjo rrugë rregullisht pastrohen, kujtojmë se kjo rrugë, shpeshherë mund të shihet në këtë gjendje, e cila vështirëson jetën e banorëve të cilët jetojnë afër, por edhe udhëtarët të cilët për çdo ditë kalojnë në këtë rrugë me veturat e tyre.