Agjencia Zhurnal.mk
Teknologji

Kongresi amerikan vë nën presion Twitter-in, Google-n dhe FB-në për menaxhimin e platformave

Zhurnal Ads

Uashington, 29 tetor – Krerët e kompanive Twitter, Google dhe Facebook u vunë nën presion sot nga Kongresi amerikan, veçanërisht nga senatorët republikanë, për mënyrën se si ata menaxhojnë përmbajtjen në platformat e tyre, një temë e nxehtë më pak se një javë para zgjedhjeve.

Jack Dorsey, Sundar Pichai dhe Mark Zuckerberg u paraqitën në video-konferencë duke mbrojtur seksionin 230 të “Aktit të Mirëqënies së Komunikimit” përpara Komitetit të Tregtisë së Senatit, ligji që garanton imunitet ndaj proceseve gjyqësore në lidhje me përmbajtjen e postuar nga palët e treta.

Por, senatorët e Partisë Republikane i sulmuan ata duke bërë thirrje për një reformë të thellë të ligjit për të forcuar llogaridhënien e gjigantëve të teknologjisë.

“Shqetësimi im është se këto platforma janë bërë arbitra të fuqishëm të së vërtetës dhe përmbajtjes në të cilën përdoruesit mund të kenë qasje”, akuzoi senatorin Roger Wicker.

”Publiku i gjerë amerikan është i informuar dobët në lidhje me vendimmarrjen kur përmbajtja moderohet dhe përdoruesit kanë pak rekurs kur ato janë të censuruara ose të kufizuara”, vazhdoi ai.

Wicker pastaj përqendroi sulmet e tij në Twitter, duke e akuzuar atë si të njëanshëm dhe për goditje të tepërt të konservatorëve, duke filluar me presidentin Donald Trump.

“Platforma juaj autorizon diktatorët e huaj të botojnë propagandën e tyre pa kufizime dhe në vend të kësaj të kufizojnë sistematikisht presidentin e SHBA”, shtoi ai.

“Kush dreqin ju zgjodhi të vendosni se çfarë mund të dëgjojë populli amerikan?”, bëri pyetjen Ted Cruz duke iu drejtuar Dorseyt/ANSA.

Zhurnal Ads
Zhurnal Ads

Postime të ngjashme

Prodhohet jahti i Star Wars

T E

Sa paguhet një astronaut?

T E

Microsoft kishte ndërtuar një temë eksperimentale për Windows XP duke kopjuar dizajnin e MacOS

admin

Core i9-11900K është procesori më i fuqishëm i Intel për 2021

S.B.

“Nokia” prezanton smartfonin “low cost”

S.B.

Reddit blen platformën e videove të shkurta, Dubsmash

S.B.
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...