Agjencia Zhurnal.mk
Bota

Kongresi mblidhet për konfirmimin e Bidenit, Trump “nuk dorëzohet”

Kongresi i Shteteve të Bashkuara u mblodh të mërkurën për të numëruar dhe certifikuar votat elektorale nga zgjedhjet presidenciale të 3 nëntorit dhe, rrjedhimisht, për të konfirmuar fitoren e presidentit të zgjedhur, Joe Biden.

Procesi, që zakonisht është rutinor dhe ceremonial, duket se do të shkojë ngadalë, pasi disa republikanë të presidentit aktual, Donald Trump, kanë vendosur ta sfidojnë konfirmimin, duke u thirrur në pretendime të pabaza për mashtrime në zgjedhje.

Kundërshtimet e para u paraqitën për rezultatet e shtetit të Arizonës, ku Biden është shpallur fitues.

Kundërshtimi çon tani në dy orë debat në Dhomën e Përfaqësuesve dhe në Senat.

Trump, në anën tjetër, është zotuar se “nuk do ta pranojë kurrë humbjen” dhe u ka bërë thirrje mbështetësve që të mblidhen në Uashington.

“Ne kurrë nuk do të dorëzohemi”, tha Trump në tubimin e mesditës.

Protesta në Uashington para certifikimit të fitores së Joe Bidenit
Fotogaleri Protesta në Uashington para certifikimit të fitores së Joe Bidenit

Derisa priten edhe kundërshtime të tjera të rezultateve nga përfaqësuesit republikanë, nënpresidenti Mike Pence tha se roli i tij “kryesisht ceremonial” në seancën e sotme të Kongresit nuk e lejon atë që ta ndryshojë rezultatin e zgjedhjeve dhe fitoren e Bidenit.

Në një deklaratë me shkrim, Pence tha se është gjykim i tij që Kushtetuta amerikane e ndalon atë ta bëjë një gjë të tillë.

“Presidenca i përket popullit amerikan dhe vetëm atij”, tha Pence.

Kolegji Zgjedhor – sistemi i përdorur për të zgjedhur presidentin e SHBA-së – e ka konfirmuar fitoren e Bidenit në muajin dhjetor.

Biden pritet të bëj betimin e presidentit më 20 janar.

Postime të ngjashme

Dodiku kundër pranisë ndërkombëtare në Bosnjë

T E

Aktivistet polake protestojnë kundër ndalimit të abortit

T E

Mianmar, OKB njofton për mbi 50 protestues të vrarë

T E

Von der Leyen: BE-ja mund të bllokojë eksporte të mëtejshme vaksinash

T E

Presidenti sirian dhe gruaja e tij infektohen me koronavirus

T E

Rregullatori financiar i BE-së goditet nga sulmi kibernetik

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...