Agjencia Zhurnal.mk
Bota

Koreja e Jugut planifikon masa të rrepta derisa rriten rastet me COVID-19

Gjatë 24 orëve të fundit u regjistruan 12 viktima dhe 1.078 raste të reja me COVID-19.

Koreja e Jugut sot raportoi rastet më të larta një-ditore të koronavirusit (COVID-19) që nga janari, ndërsa autoritetet shëndetësore mendojnë për masa të rrepta parandaluese, transmeton Anadolu Agency (AA).

Sipas Agjencisë së Kontrollit dhe Parandalimit të Sëmundjeve, gjatë 24 orëve të fundit 1.078 raste të reja u regjistruan, duke i çuar rastet e përgjithshme në 45.442. Me 12 viktima tjera, numri i vdekjeve është rritur në 612. Të martën, vendi raportoi 13 vdekje, numri më i lartë ditor që nga shpërthimi i virusit në Korenë e Jugut.

Autoritetet shëndetësore paralajmëruan vendosjen e kufizimeve të rrepta ndërsa rastet u rritën pavarësisht se vendi miratoi masat e dyta më të larta, Nivelin 2.5, javën e kaluar.

“Adoptimi i Nivelit 3 do të marrë në konsideratë jo vetëm numrin e pacientëve të rinj, por edhe aftësitë mjekësore si dhe shkallën e riprodhimit të virusit”, citoi agjencia e lajmeve Yonhap të ketë thënë Yoon Tae-ho, një zyrtar i lartë shëndetësor.

“U bëjmë thirrje njerëzve të respektojnë Nivelin 2.5 të zbatuar aktualisht në zonën më të madhe të Seulit për të shmangur kufizimet më të ashpra për shkak të virusit, të cilat mund të dëmtojnë njerëzit e vetëpunësuar dhe pronarë të dyqaneve të vogla”, shtoi ai.

Sipas masave më të larta të Nivelit 3, çdo tubim me 10 ose më shumë persona do të ndalohet.

Shkollat do të mbyllen plotësisht ndërsa ndërmarrjeve u kërkohet që punonjësit jothelbësorë të punojnë nga shtëpia.

Kryeministri Chung Sye-kyun po ashtu udhëzoi Ministrinë e Ekonomisë dhe Financave të rishikojë paraprakisht masat mbështetëse.

Postime të ngjashme

Italia do të fillojë lehtësimin e masave kufizuese

N E

Forcimi i aleancës SHBA-Japoni e shqetëson Kinën

N E

Së shpejti vaksina “Sputnik V” do të prodhohet në Serbi

N E

Turqai me numër rekord të rasteve me Kovid-19

N E

Rusia mirëpret ftesën e SHBA, por kritikon sanksionet

N E

Rusia do të dëbojë 10 diplomatë amerikanë

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...