Agjencia Zhurnal.mk
Bota

Koreja e Veriut tentoi të “vidhte” të dhëna nga kompanitë e Jugut, rreth vaksinave kundër COVID-19

Agjencia e inteligjencës e Koresë së Jugut ka “prishur” përpjekjet e Koresë së Veriut për të hakuar kompanitë e Koresë së Jugut që zhvillojnë vaksinat e coronavirusit, njoftoi të premten agjencia News1, duke cituar një anëtar të komitetit parlamentar të inteligjencës.

Siç shkruan Al Jazeera, përcjell Telegrafi, ligjvënësi Ha Tae-keung tha se pasi u informua nga Shërbimi Kombëtar i Inteligjencës, agjencia nuk specifikoi sa dhe cilët prodhues të ilaçit u vunë në shënjestër, por tha se nuk kishte dëm nga përpjekjet e “piraterisë”.

Gjithsesi, deri më tani nuk ka ndonjë përgjigje nga Koreja e Veriut rreth këtyre pretendimeve.

Ndryshe, javën e kaluar, Microsoft tha se hakerat që punonin për qeveritë ruse dhe koreano-veriore ishin përpjekur të hynin në rrjetet e shtatë kompanive farmaceutike dhe studiuesve të vaksinave në Korenë e Jugut, Kanadasë, Francës, Indisë dhe Shteteve të Bashkuara.

Në korrik, hakerat e mbështetur nga kinezët u akuzuan gjithashtu se kishin në shënjestër kompaninë bioteknologjike Moderna – një zhvillues kryesor i kërkimit të vaksinës për coronavirus me bazë në Shtetet e Bashkuara – në një përpjekje për të vjedhur të dhëna të vlefshme.

Përpjekja e hakimit në Korenë e Jugut u zbulua ndërsa vendi u përballë me një valë të tretë të pandemisë.

Të premten, ajo raportoi 569 raste të reja, ditën e dytë me radhë që infeksionet janë rritur me më shumë se 500.

Shkalla e vdekjes, megjithatë, mbetet e ulët me një vdekje më shumë të raportuar të premten, duke e çuar numrin e përgjithshëm të vdekjeve në 516 – ndër më të ulëtit në vendet e zhvilluara.

Postime të ngjashme

Gjermania tërheq një togë nga misioni i NATO-s në Lituani

Dafina Vidishiqi

Dhjetëra policë gjermanë plagosen pas një beteje të ashpër me disa qytetarë

Dafina Vidishiqi

Erdogan do të pësonte humbje, do të fitonte opozita e bashkuar – nëse zgjedhjet do të mbaheshin të dielën

Dafina Vidishiqi

Putin dakordohet me Biden për rifillimin e bisedimeve mbi kontrollin e armëve

Dafina Vidishiqi

Biden flet pas takimit me Putinin: Unë bëra atë që erdha të bëj

Dafina Vidishiqi

Borrell: Qeveria ruse dëshiron të destabilizojë Bashkimin Evropian dhe anëtarët e tij

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...