Kosova dhe shteti i Belizesë me memorandum për konsultime bilaterale

Në prani të Presidentes së Kosovës, Vjosa Osmani dhe kryeministrit të Belizesë, John Briceno, ministrja e Punëve të Jashtme dhe Diasporës e Republikës së Kosovës, Donika Gërvalla, së bashku me homologun e saj nga Belize, Eamon Courtenay, kanë nënshkruar sot në New York një memorandum mirëkuptimi për konsultime bilaterale mes ministrive të Jashtme të të dy shteteve.

Sipas ministrisw, ky memorandum mirëkuptimi synon forcimin e bashkëpunimit bilateral në mes të dy shteteve në fusha me interes të përbashkët, duke përfshirë edhe çështje të marrëdhënieve ndërkombëtare, të drejtat e njeriut, paqen dhe sigurinë.

Me këtë rast, ministrja Gërvalla ka theksuar se ky memorandum është edhe një hap më shumë drejt fuqizimit të marrëdhënieve dypalëshe, të cilat do të vazhdojnë të thellohen edhe në fusha si ekonomia dhe kultura.

“Qeveria e Kosovës mbetet e përkushtuar që të vazhdojë partneritetin dhe miqësinë me Belizenë dhe nënshkrimi i këtij memorandumi është vetëm pikënisje e një bashkëpunimi që do të konkretizohet edhe në forma të tjera gjatë periudhës në vazhdim”, shtoi ndër të tjera ajo. 

Related posts

Goran Stanishiq dënohet me 20 vjet burg për vrasjen e 13 civilëve gjatë luftës në Kosovë

D V

Pas heqjes së barrikadave në veri, SHBA bën thirrje të ecet përpara në dialog

D V

Inspektorët mbyllin shumë lokale në Kosovë, reagon Shoqata e Gastronomëve

D V

This website uses cookies to improve your experience. We'll assume you're ok with this, but you can opt-out if you wish. Accept Read More