Agjencia Zhurnal.mk
Kosovë

“Kosova për momentin nuk mund ta padisë Serbinë për gjenocid”

Shteti i Kosovës po planifikojë ta padis Serbinë për gjenocid për krimet e kryera gjatë luftës së fundit në Kosovë.

Kështu të paktën po deklarojnë kryeministri Albin Kurti, dhe presidentja Vjosa Osmani.

Por, sipas Bekim Blakaj, nga Fondi për të Drejtën Humanitare në Kosovë tha se aktualisht Kosova nuk do të mund ta bëj padinë për gjenocid ndaj Serbisë.

“Duke analizuar përvojën e vendeve tjera, sidomos të atyre nga ish-Jugosllavia për padi për gjenocid, kam frikë që Kosova në këto momente nuk mund të bëj padi në Gjykatën Ndërkombëtare të Drejtësisë sepse nuk ka një ulëse në OKB. Ka mundësi tjera. Tash së voni është përmendur një shtet mund ta bëj këtë në emër të Kosovës. Nuk e di se a do ta bëj Shqipëria këtë. Është e vështirë që në një proces gjyqësor i cili ka zgjatur 12 apo 13 vjet të dëshmohet gjenocidi”.

Blakaj theksoi në Klan Kosova se gjenocidi do të jetë i vështirë të dëshmohet para Gjykatës Ndërkombëtare të Drejtësisë.

Sipas tij nuk ka ende ndonjë informacion nëse institucionet e Kosovës kanë nisur të mbledhin informacione lidhur me krimet serbe në Kosovë.

Ai theksoi se provat duhet të jenë të deshmueshme para gjykatës.

“Krimet që kanë ndodhur në Kosovë janë të tmerrshme, ka elemente të gjenocidit gjithandej por kjo do të jetë e vështirë të dëshmohet para Gjykatës Ndërkombëtare të Drejtësisë. Padia për gjenocid është përmendur edhe nga përfaqësuesit e tjerë, nga presidenti Thaçi dhe të tjerët. Kjo zakonisht është përmendur para zgjedhjeve apo fushatave zgjedhore”.

“Unë nuk kam ndonjë informacion që ndonjë institucion ka filluar të mbledh prova për të dëshmuar gjenocidin. Kjo deklaratë ishte disi si e pamatur. Nuk mund ta ftojmë gjykatën dhe ti themi eja dhe shiko se çka ka ndodhur në Poklek. Sepse krimet makabre kanë ndodhur edhe në Poklek por edhe në shumë pjesë të tjera, ku kanë pësuar fëmijet. Por, këto nuk janë prova para gjykatës”.

Postime të ngjashme

Riaktualizohet çështja e bartjes së shamisë në shkolla

Dafina Vidishiqi

Personat e dënuar në tri vitet e fundit nuk mund të kandidojnë as në zgjedhjet lokale

Dafina Vidishiqi

Vaksinohen Vjosa Osmani dhe Glauk Konjufca

Dafina Vidishiqi

Lekaj: Qeverisë Kurti nuk po i intereson qytetari

Dafina Vidishiqi

Përfaqësuesja e Parlamentit Evropian për Kosovën: Jam lodhur dhe sëmurë duke folur për vizat

Dafina Vidishiqi

Hidhet një pako në drejtim të qendrës së paraburgimit në Prizren

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...