Kosova shtrëngon masat kundër COVID-19, kthen në kufi dhjetëra qytetarë nga Shqipëria

Nga sot kanë hyrë në fuqi masat e reja shtrënguese për shkak të situatës së COVID-9 në Kosovë, të cilat do të qëndrojnë deri më 13 shtator.

 

Dhjetëra shtetas të Shqipërisë janë kthyer nga pala e Kosovës, pasi nuk kishin test dhe certifikatë vaksinimi, ndërkohë që në Morinë ka një fluks të hyrjeve të qytetarëve të Kosovës për në Shqipëri pa dëshminë e asnjë dokumenti.

Sipas masave të reja të gjithë personat e pavaksinuar që do të hyjnë në Kosovë edhe përmes pikave të kalimit kufitar me Shqipërinë pavarësisht shtetësisë, duhet të ofrojnë dëshmi për vaksinim apo teste PCR dhe antigjen ose në të kundërtën duhet të izolohen për shtatë ditë. Por, testi nuk do të jetë i nevojshëm në rast se qytetari ka dëshmi të vaksinimit të plotë ose marrjen e një doze të vaksinës kundër COVID-19.

Të njëjtat masa vlejnë edhe për shtetasit e Shqipërisë, që duan të futen në Kosovë. Autoritetet në Kosovë raportuan të dielën bilancin më tragjik, 36 viktima nga Coronavirusi. Ky është numri më i lartë i viktimave, që prej fillimit të pandemisë në mars të vitit të kaluar.

Ministria e Shëndetësisë së Kosovës tha se 19 viktima ishin femra, ndërsa 17 meshkuj nga 20 deri në 80 vjeç. Qeveria e Kosovës vendosi rikthimin e orës policore, ndërsa hapja e shkollave e programuar në 1 shtator, u shty me dy javë. 

Related posts

“Delta”, simptomat ndryshe/ Temperatura vjen më vonë me variantin e ri të covid-19

D V

Batutat/ Vuçiç: Nuk e di si do përgjigjet Edi, por mbështes çdo fjalë që do thotë. Rama: Ai do që unë të them njohjen e Kosovës dhe…

D V

Gazetarja e BBC-së dokumenton me video rikthimin e buzëqeshjes te fëmijët afganë në Shqipëri

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com