Agjencia Zhurnal.mk
Kosovë

Kosovë/ KQZ-ja mblidhet sot, pritet të caktohet kohëzgjatja e fushatës parazgjedhore dhe të miratohet plani operacional

Komisioni Qendror Zgjedhor (KQZ) në Kosovë do të mblidhet sot për të marrë vendimet e para në kuadër të përgatitjes së zgjedhjeve të parakohshme (14 shkurt), të cilat u vendosën të mërkurën mbrëma nga ushtruesja e detyrës së presidentes, Vjosa Osmani.

Zëdhënësi i KQZ-së, Valmir Elezi në një prononcim për Telegrafin ka thënë se KQZ-ja fillimisht do të vendos për caktimin e afateve të aktiviteteve zgjedhore.

“Sot do të mblidhet Komisioni Qendror Zgjedhor (KQZ) për të marrë vendimet e para në kuadër të përgatitjes së këtyre zgjedhjeve. KQZ-ja, fillimisht vendos për caktimin e afateve të aktiviteteve zgjedhore, duke i shkurtuar këto afate dhe përshtatur me ditët që do t’i kemi në dispozicion për përgatitjen e zgjedhjeve si dhe do të miratohet plani operacional, ku janë të listuara të gjitha aktivitetet që do të kryhen nga KQZ-ja që nga dita e parë dhe deri në përmbylljen e procesit zgjedhor”, ka thënë Elezi.

Ndryshe, Gjykata Kushtetuese e Kosovës e publikoi një ditë më parë të plotë aktgjykimin lidhur me votimin e Qeverisë së Kosovës, të udhëhequr nga Avdullah Hoti.

Ndërsa, ushtruesja e detyrës së Presidentes Vjosa Osmani të mërkurën mbrëma e ka shpërndarë legjislaturën e shtatë të Kuvendit të Kosovës dhe i ka caktuar zgjedhjet parlamentare të parakohshme për datën 14 shkurt.

Postime të ngjashme

Haxhiu flet për postet: Kurti do të jetë kryeministër

T E

Zgjedhjet 2021, diaspora me numrin më të madh të votave në katër palë zgjedhjet e fundit

T E

S’ka shpjegim pse u tërhoq urdhërarresti ndaj Radoiçiqit

T E

Osmani takohet me Lajçakun nesër

T E

Osmani dhe ambasadori turk flasin për krijimin e institucioneve të reja

S.B.

Drecun: Lajçaku po përpiqet të bjerë dakord për vazhdimin e dialogut

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...