Agjencia Zhurnal.mk
Kosovë

Kosovë/ Mësimi fillon të hënën, ende nuk dihet numri i mësimdhënësve të testuar për COVID-19

Mbi 1,500 mësimdhënës në gjithë territorin e Kosovës do të testohen për coronavirus, para se të fillojë procesi mësimor më 14 shtator.

Xhavit Rexhaj, zëvendësministri i Arsimit dhe Shkencës, ka bërë të ditur se ende nuk dihet numri i mësimdhënësve të testuar si dhe ka treguar mënyrën e përzgjedhjes së mësimdhënësve.

“Nuk e di sa janë testuar deri më tani, shumica sigurt sepse IKSHPK-ja është duke i bërë dhe zgjedhja është rastësore. DKA-ve i kërkohet një numër i caktuar, një profil i caktuar  i një shkolle, i një qendre urbane, rurale me u kriju mostra rastësore. Qëllimi është me qenë mostra përfaqësuese”, tha Rexhaj për KALLXO.com.

Ai është shprehur i sigurt se mësimi do të fillojë më 14 shtator, ashtu siç është paraparë.

“Vendimi është me 14 por kjo është pandemi, s’ka dilemë në lidhje me këtë që do të fillojë me 14 shtator”, ka shtuar Rexhaj.

Ministria e Arsimit dhe Shkencës ka marrë vendim që mësimi të fillohet në mënyrë fizike në objektet e shkollave, të hënën, më 14 shtator.

Viti i ri shkollor është dashur të fillojë më 1 shtator, por është shtyrë, siç është thënë nga Ministria e Arsimit, me qëllim të sigurimit të kushteve të sigurta për fëmijët, mësimdhënësit dhe prindërit.

Në udhëzimet e Institutit Kombëtar të Shëndetësisë Publike të Kosovës (IKSHPK), për ruajtje të shëndetit të nxënësve në shkolla, thuhet se shkolla duhet të sigurojë që të respektohet distanca e caktuar e sigurisë të paktën 1.5 metra, secilit nxënës si dhe personelit të shkollës duhet t’i bëhet matja e temperaturës përmes termometrit laserik çdo ditë.

Numri i përgjithshëm i mësimdhënësve në nivel vendi llogaritet të jetë mbi 23 mijë.

Postime të ngjashme

Ministria tregon pse e publikuan listën me bizneset që përfituan nga Programi i Rimëkëmbjes Ekonomike

S.B.

Mbi 11 mijë raste aktive me COVID-19

S.B.

Sot seanca e radhës ndaj komandant “Ujkut”

S.B.

Shefi i zyrës së BE-së reagon pas publikimit të emrave të bizneseve që fituan më shumë nga Pakoja e Rimëkëmbjes

S.B.

Reshitaj zbulon detaje nga mesazhi që i dërgoi Daut Haradinaj në ditën kur Vjosa Osmani votohej për presidente

S.B.

Bajrami i reagon Muratit: Nëse je transparent publikoji edhe përfituesit e pakos nga Qeveria Kurti 1

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...