Kosovë/ Policia identifikon 12 vetura me regjistrim të skaduar

Policia e Kosovës ka njoftuar se gjatë natës së kaluar ka identifikuar 12 vetura me regjistrim të skaduar.

 

Në njoftimin e bërë për media thuhet se “Njësia e Reagimit të Shpejtë, në kuadër të Drejtorisë Rajonale të Policisë në Mitrovicën e Jugut, përveç angazhimeve operative në funksion të detyrave të veçanta gjithnjë po demonstron gatishmëri për mbështetje të njësive dhe sektorëve të tjerë në nivel rajoni”.“Në mbështetje dhe zbatim të planeve operative ‘Sezoni veror’ 2021, Njësia e Reagimit të Shpejtë (NJRSH) në vazhdimësi është duke operuar në mbështetje të stacioneve policore në nivel rajoni, ku rezultatet janë evidente si në fushën preventive po ashtu edhe në reagim. Vetëm gjatë natës së kaluar, zyrtarë policorë të kësaj njësie gjatë kontrollit në trafik kanë ndaluar dhe identifikuar 29 raste të kundërvajtjeve të ndryshme në trafik”, thuhet në njoftim.

Policia njofton se kundërvajtësve u janë shqiptuar gjoba, ndër to janë identifikuar 12 automjete në qarkullim me regjistrim të skaduar me ç’ rast u janë sekuestruar targat dhe automjetet janë larguar nga trafiku rrugor.

“Mbështetja e njësisë së NJRSH-së, po reflekton në parandalim dhe efikasitet në angazhim të përgjithshëm për siguri në trafik dhe rendin publik”. /Telegrafi/

Related posts

Maqedonia e Veriut dhe Kosova e përmirësojnë perspektivën e BE-së me marrëveshje për bashkëpunim

D V

Albin Kurti takohet me Angela Merkel në Tiranë

N E

Kosova themelon Komitetin për Menaxhimin e Pandemisë

D V

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com