|
Getting your Trinity Audio player ready...
|
Kryetari i Partisë Demokratike të Kosovës, Memli Krasniqi ka thënë se në konsultimet që i thirri sot kryesuesi i seancës, deputeti i Vetëvendosjes, Avni Dehari, iu kërkua që vazhdimet e seancës konstituive të mbahen vetëm një herë në javë.
Krasniqi pas dështimit të sotëm, tha se fillimisht deputetët e partisë në pushtet u vonuan 45 minuta për në seancë.
Më pas, siç u shpreh ai, iu kërkua që ta shkelin rregulloren.
“Sot patëm një zhvillim të papranueshëm. E para, deputetët e partisë që doli e para nuk erdhën as me kohë, ishin 45 minuta vonë dhe kur erdhën patën një kërkesë që në mënyrë të organizuar ta shkelim rregullorën
Kërkesa e tyre ishte që në kundërshtim me rregulloren, që thotë se duhet të mblidhemi çdo dy ditë derisa të konstituohet Kuvendi, ata kërkuan që të mblidhemi një herë në javë” – tha ai, transmeton Nacionale.
Këtu, sipas Krasniqit janë dy probleme:
“Këtu janë dy probleme, është krejtësisht e papranueshme me bë një kërkesë të tillë, për me shkelë rregulloren me vetdije deputetët.
E dyta, kjo tregon se vullneti i tyre nuk është për me bë zgjidhje, por thjesht këto përsëritje mos me u mbajtë çdo dy ditë, por çdo javë”.