Agjencia Zhurnal.mk
Maqedoni TOP LAJM

Kryeministri italian: Rrezikojmë që Ballkani Perëndimor të kthejë sytë nga Rusia dhe Turqia

Romë, 14 shtator – “Integrimi i Shqipërisë në Bashkimin Europian dhe i vendeve të ish-Jugosllavisë është një proces që absolutisht duhet të vazhdojë”, deklaroi kryeministri italian Giuseppe Conte në Konferencën për 45-vjetorin e Traktatit të Helsinkit, mbajtur sot në Romë në Pallatin Borromeo.

“Pesë vende të ish-Jugosllavisë e Shqipëria aspirojnë të jenë pjesë e familjes europiane. Është një proces shumë kompleks e shumë delikat”, tha kreu i qeverisë italiane duke shtuar se “është i bindur që ky proces duhet absolutisht të vazhdojë”.

”Mendoj gjithashtu – u shpreh ai – që proces i integrimit europian i këtyre vendeve duhet të kryhet e nëse dështojmë dhe këtë objektiv jo vetëm do të rrezikojmë të shohim këto vende të heqin sytë nga Europa e të kërkojnë aleatët e tyre të vjetër, por rrezikojmë që këto vende të kërkojnë aleancë me Federatën ruse “lojtar historik i këtij territori”, por dhe me Turqinë apo me aktorë të tjerë të rëndësishëm ndërkombëtar të interesuar për të forcuar praninë e tyre në gadishullin Ballkanik si p.sh Kina e vendet e Golfit”.

Për kryeministrin italian me procesin e integrimit të Shqipërisë e të vendeve të ish=Jugosllavisë, është në lojë besueshmëria e politikës së jashtme europiane.

“Nuk duhet të ngrihen pengesa, – tha Giuseppe Conte, – ajo çfarë vihet re është kompleksiteti e ngathtësia në procesin e vendimeve të institucioneve europiane e shumë shpesh është e vështirë të arrihet unanimiteti i 27 vendeve anëtare. E është e qartë që duhet të ndërhyjmë për të thjeshtëzuar e bërë më të shpejtë e efikas proceset vendimore europiane”, theksoi kryeministri italian.

Postime të ngjashme

Vaksina, Sofijanova: Na mbron nga virusi korona

R Zh

Gjorgjia Sajkoski do ta udhëheqë shtabin zgjedhor të VMRO-DPMNE-së në zgjedhjet e ardhshme lokale

R Zh

Komunës së Çairit / Deri më tani janë vaksinuar 91 mësimdhënës/e dhe 58 edukatore

R Zh

Bullgari, konstituimi i kuvendit më 15 prill

R Zh

Zjarrfikësit e Shkupit vaksinohen kundër Covid-19

R Zh

“Drejtësia” s’do marrëveshje me sopotasit

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...