Kryeministri spanjoll propozon që të rinjve t’ju jepen nga 250 euro në muaj, me qëllim që të mund të paguajnë qiranë

Spanja planifikon t’ju ofrojë të rinjve nga 250 euro në muaj, që të zhvendosen nga shtëpia e prindërve dhe të marrin një tjetër me qira. Këtë e ka bërë të ditur kryeministri i këtij vendi Pedro Sanchez.

 

Është propozuar që çdo muaj t’i ndahen nga 250 euro të rinjve nga mosha 18 deri në 35-vjeç që fitojnë më pak se 23.725 euro në vit, me qëllim që të ndihmohen që të paguajnë qiranë e shtëpisë apo apartamentit, transmeton Telegrafi.

Propozimet tjera gjithashtu përfshijnë kufizimin e çmimit të qirave për qiradhënësit që posedojnë shumë prona të paluajtshme, me qëllim që të ndihmohen të rinjtë të paguajnë qiranë nëpër qytete të mëdha.

Pronat e paluajtshme në Spanjë janë të njohura për çmimet e larta, kështu pothuajse çdo i ri detyrohet të jetoj me prindërit për shkak qirasë së lartë, pagave të ulëta dhe përqindjes së madhe të papunësisë.

Mesatarisht në Spanjë të rinjtë largohen nga shtëpia e prindërve pas moshës 30-vjeçare, e në vendet e BE-ja kjo mesatare është 26,4 vite.

Ky ligj që Sanchez po e propozon do të bëhet publik dhe për të do të diskutojnë deputetët në Parlament, miratimi i të cilëve do të nënkuptonte se ligji do të mund të hyjë në fuqi këtë vit. 

Related posts

Avancimi i talibanëve “përbën krizë ekzistenciale” për Qeverinë afgane

D V

Lejuan qenin që vazhdimisht ta kafshojë të arrestuarin, FBI heton zyrtarët policorë të përfshirë në këtë rast

D V

Pamje “apokaliptike” nga Moska, rrufeja godet trafostacionin – krani bie mbi shtyllën e tensionit të lartë

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More