Agjencia Zhurnal.mk
Bota

KS-OKB mirëpret zgjedhjen e qeverisë së re të përkohshme në Libi

Në një deklaratë të përbashkët, KS-OKB njoftoi se zgjedhja e qeverisë së re të përkohshme në Libi është “një pikë kthese e rëndësishme në procesin politik”.

Këshilli i Sigurimit të Kombeve të Bashkuara (KS-OKB) ka mirëpritur zgjedhjen e qeverisë së re të përkohshme në Libi e cila do të qeverisë vendin deri në zgjedhje, transmeton Anadolu Agency (AA).

Në një deklaratë të përbashkët, KS-OKB njoftoi se zgjedhja e qeverisë së re të përkohshme në Libi është “një pikë kthese e rëndësishme në procesin politik”.

Duke shprehur kënaqësinë e zgjedhjes së qeverisë së re të përkohshme nga Forumi Libian për Dialog Politik, KS-OKB bëri thirrje për formimin në mënyrë të shpejtë të një qeverie të re gjithëpërfshirëse dhe fillimin e një procesi dakordimi kombëtar gjithëpërfshirës deri në zgjedhjet e planifikuara më 24 dhjetor.

Po ashtu KS-OKB u bën thirrje të gjitha palëve që të zbatojnë armëpushimin e arritur më 23 tetor 2020 dhe të gjitha forcat e huaja dhe ushtarët mercenarë të largohen nga vendi pa u vonuar.

Duke i bërë thirrje Libisë për zbatimin e embargos së armëve, KS njoftoi se nga Sekretari i Përgjithshëm i OKB-së, Antonio Guterres pret propozimet lidhur me përmasat dhe detyrat për mekanizmin kontrollues të armëpushimit në Libi.

Si rezultat i votimit nga anëtarët e Forumit Libian për Dialog Politik që u mblodhën nën kryesimin e OKB-së në Gjenevë të Zvicrës, Mohammad Younes Menfi u zgjodh në krye të Këshillit Presidencial në Libi ndërsa Abdul Hamid Mohammed Dbeibah në detyrën e kryeministrit të cilët do të kryejnë këto detyra deri në zgjedhjet që janë paraparë të mbahen në vend më 24 dhjetor 2021.

Postime të ngjashme

Varianti Delta përhapet me shpejtësi në Shtetet e Bashkuara

D V

Australia mbjell frikë me ushtri e helikopterë për të ndaluar protestat dhe vendosur izolimin e COVID-19 në Sydney

D V

Njihuni me shkencëtarin që po përpiqet të udhëtojë në kohë – për këtë ka një arsye të fortë

D V

Turqia evakuon turistët e tronditur nga zjarret në Bodrum

D V

Prokurorët kryesorë amerikanë goditen nga hakerët, dyshohet se janë rus

D V

Mijëra persona protestojnë në Francë kundër pasaportës shëndetësore të COVID-19

D V

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...