Shkup, 15 prill – Përveç afatit të përcaktuar maksimal, duhet të definohet edhe një afat minimal për aplikim për shpalljen e brendshme për avancim në MPB, të inicojë ndryshime në Ligjin për punë të brendshme për të përcaktuar saktësisht fazat dhe standardet për ngritje në detyrë, të kufizohet fuqia diskrecionale e ministrit për të rregulluar procedurën me akte nënligjore dhe të vendoset transparencë më e madhe në sistemin e meritave dhe zhvillimin e karrierës së zyrtarëve, porositi Komisioni Shtetëror për Parandalimin e Korrupsionit (KSHPK).
Siç u theksua në seancën e sotme, KSHPK-ja ka identifikuar rreziqe të rëndësishme rregullative të korrupsionit dhe konfliktit të interesit në analizën e dispozitave të nenit 14 të Rregullores për mënyrën e kryerjes së përzgjedhjes për emërim dhe avancim dhe për mënyrën e zbatimit të sistemit të karrierës së punonjësve në Ministrinë e Punëve të Brendshme.
“Rreziqet rrjedhin nga dispozitat e paqarta për afatet e dorëzimit të shpalljeve të brendshme. Me nenin 14-të të Rregullores caktohet vetëm një afat maksimal prej shtatë ditësh për aplikim pas shpalljes së brendshme, pa specifikuar një afat minimal, gjë që lë hapësirë dhe mundësi që shpallja e brendshme të jetë aktive edhe vetëm për një ditë. Kjo krijon hapësirë për uljen e konkurrencës dhe favorizimin e kandidatëve. Është identifikuar edhe teknika ligjore jokoherente dhe formulime të paqarta, gjegjësisht dispozita nga paragrafi 2 i Rregullores thotë se afati është pjesë e të dhënave në telegramin e dorëzuar për publikimin e shpalljes së brendshme, por nuk është e rregulluar saktësisht nëse ky afat është i detyrueshëm, kush e cakton dhe në çfarë mënyre”, theksoi anëtari i KSHPK-së, Zoran Bogoevski i cili precizoi analizën.
KSHPK-ja në seancën e sotme prezantoi edhe Raportin për shqyrtimin e bërë kundër korrupsionit të legjislacionit për dispozitat që kanë të bëjnë me dhënien e licencave, miratimet, lejet për punën e objekteve hotelierike dhe të ngjashme, si dhe për mbikëqyrjen në Ligjin për veprimtari hoteliere, Ligji për Mbrojtje dhe Shpëtim, Ligji për Mbikëqyrjen Inspektuese, Ligji për Vetëqeverisje Lokale, Ligji për Mbrojtjen nga Lëndët Eksplozive dhe Ligji për Tregti me Lëndë Eksplozive, si dhe Raporti për shqyrtimin e kryer kundër korrupsionit të legjislacionit të Ligjit për Qasje të Lirë në Informata Publike.