Agjencia Zhurnal.mk
Kosovë TOP LAJM - KS

Kurti: BE konfirmoi angazhimin për vaksinat anti-Covid

Prishtinë, 27 mars, Zhurnal.mk – Kryeministri i Kosovës, Albin Kurti tha se Kosova po punon ditë e natë për të siguruar vaksinën antiCovid.

Në llogarinë e tij në Twitter tregoi për bisedën që ka pasur me presidenten e Komisionit Evropian, Ursula von der Leyen.

Kurti shkroi se Ursula von der Leyen ia ka konfirmuar angazhimin e Bashkimit Europian për shpërndarjen e vaksinave për qytetarët e Kosovës.

Më herët, presidentja e KE-së tha se shumë shpejt pritet të vijnë vaksinat në Kosovë për vaksinimin e personalit shëndetësor dhe personave në nevojë.

“Së bashku do ta tejkalojmë pandeminë”, ka shkruar Leyen.

Shtetet e rajonit tashmë kanë nisur fushatën e vaksinimit kundër coronavirusit, vetëm Kosova ende nuk ka siguruar asnjë vaksinë kundër virusit COVID-19.

Nga Ministria e Shëndetësisë kanë thënë se në Kosovë gjatë marsit do të arrijë kontingjenti i parë me vaksina të kompanisë britanike, AstraZeneca.

Ky kontingjent është në kuadër të 100.800 dozave që Kosova do të marrë falas përmes programit COVAX të Organizatës Botërore të Shëndetësisë, njofton Telegrafi.

Ndërkaq, duhet theksuar se që prej 13 marsit 2020, e deri më 27 mars, 2021, Kosova ka regjistruar 87.067 raste me coronavirus.

Prej tyre, 1.830 raste kanë përfunduar me fatalitet, ndërkaq, 71.813 persona janë shëruar. Raste aktive janë 13.424.

Postime të ngjashme

Dialogu Kosovë-Serbi, ekspertët sugjerojnë një takim që ti paraprijë atij të 25 korrikut

Lea Muslija

Vuçiqi falënderon policët serbë, thotë se e mbrojtën Kosovën kur u sulmua nga jashtë

Lea Muslija

Ben Meir: Kurti të mos e pranojë Asociacionin, i pamohueshëm gjenocidi serb në Kosovë

Lea Muslija

Ministri i Qeverisë për Asociacionin: S’mund ta shkelim Kushtetutën dhe të kemi institucion një etnik

Lea Muslija

Nisma dënohet nga KQZ-ja, mund t’i anulohet pjesëmarrja në zgjedhjet lokale

Lea Muslija

Fundjava në Kosovë me rrebeshe shiu, java e ardhshme me valë të nxehtit afrikan

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...