Kurti hap fushatën: Fitores së shkurtit t’ia bashkangjesim atë të tetorit komunë për komunë

Kryetari i Lëvizjes Vetëvendosje, Albin Kurti, ka hapur fushatën për zgjedhjet lokale të 17 tetorit përmes një video-mesazhi.

 

Me pamje nga fushatat e kaluara, kryeministri i Kosovës, Albin Kurti u deklarua duke thënë se Kosova ka arritje të pamohueshme sa i përket institucioneve.

“Komuna është fillimi i çdo politike dhe është vendi ku qytetarët ndajnë së bashku të mirat që mund t’i sjellë një politike e ndershme, ashtu si edhe vendi ku ata organizohen për të zgjidhur problemet të vogla e të mëdha që na pengojnë të gjithëve ose ndonjërit nga ne”, shprehet Kurti në këtë video-mesazh.

Tutje, Kurti thotë se, “Më shumë e më parë se në cilindo nga vendet e tjera ballkanike, qytetari i Kosovës e dënon politikën kur ajo e dobëson vendin tonë”.

“Prandaj kam sigurinë se në zgjedhjet lokale që do të mbahen më 17 tetor, qytetarët e Kosovës, kudo, do të votojnë për projektin modernizues, të ndershëm e humanistë, të kandidatëve që mbështet Lëvizja Vetëvendosje e jo për politikat që kthejnë abuzimet me miliona euro dhe arrogancën e dhunën e pushtetarëve”, është shprehur Kurti.

Tutje, kreu i VV-së përmendi edhe mos-shtyrjen e zgjedhjeve.

“Zgjedhjet nuk u shtynë, përkundër rekomandimit të IKSHPK-së, mbi rrezikun nga pandemia, tash neve do të na duhet të marrin pjesë në zgjedhje dhe fitores së shkurtit, t’ia bashkëngjesim atë të tetorit komunë për komunë. Ndërkohë dhe tërë kohën, çdo kund dhe secili respektojmë masat, vaksinohemi dhe mbrojmë veten e njëri-tjetrin”, shprehet kryeministri Kurti.

“E dimë se zhvillimi e përparimi, shtimi i mirëqenies, luftimi i korrupsionit, janë të vështira. E dimë po ashtu se regresi, kthimi pas në situatën e pandëshkueshmerisë, është i lehtë sepse të korruptuarit ende janë aty, të rinj e të vjetër, edhe nëpër komuna, dhe janë gjithnjë të gatshëm për pushtet, përderisa ende nuk është reformuar sistemi i drejtësisë”, është shprehur Kurti, transmeton Klankosova.tv.

I pari i Qeverisë së Kosovës tha se ndryshimet e bëra në qeverisje mundësojnë ndryshimet e nevojshme nëpër komuna, e sipas tij, kur qytetarët i ndryshojnë komunat për të mirë, ndryshimet e dëshiruara në vend përshpejtohen.

144 është numri për komunat në zgjedhjet e 17 tetorit!

Në zgjedhjet e 17 tetorit, qytetarët e Kosovës do të votojnë për projektin modernizues, të ndershëm e humanist të kandidatëve që mbështet Lëvizja VETËVENDOSJE!, e jo për politikat që kthejnë abuzimet me miliona euro dhe arrogancën e dhunën e pushtetarëve.

Posted by Lëvizja VETËVENDOSJE! on Friday, September 17, 2021

Related posts

Ministri Mehaj merr mbështetje nga zëvendësndihmës sekretari amerikan, Gabriel Escobar

D V

Nesër votojnë edhe të burgosurit

D V

Kosova themelon Komitetin për Menaxhimin e Pandemisë

D V

This website uses cookies to improve your experience. We'll assume you're ok with this, but you can opt-out if you wish. Accept Read More