Kurti pas dënimit të Zoran Vukotiqit: Drejtësia është e domosdoshme, edhe në momente si ky kur vjen shumë vonë

Serbi, Zoran Vukotiq u dënua sot me 10 vjet burgim, i akuzuar për kryerjen e krimit të dhunës seksuale gjatë luftës në Kosovë. Ky është rasti i parë që dikush dënohet për një krim të tillë në Kosovë, nga gjykatat vendore.

 

Kryeministri Albin Kurti, përmes një shkrimi në Facebook, ka thënë se dhuna seksuale gjatë viteve 1998 – 99 është përdorur si mjet lufte në vazhdimësi në Kosovë, duke shtuar se mijëra gra e burra, vajza e djem kanë qenë viktima të këtij krimi.

“Dy dekada pas luftës, as edhe një person nuk është dënuar për një krim të tillë”, tha ai.

“Sot, pas 23 vitesh pandëshkueshmëri për krimin e dhunës seksuale, për herë të parë dënohet dikush. Zoran Vukotiqi është dënuar me 10 vite burgim për rastin e ushtrimit të dhunës seksuale ndaj një gruaje shqiptare në Vushtrri”, u shpreh Kurti.

Tutje theksoi se drejtësia është e domosdoshme, edhe në momente si ky kur vjen shumë vonë.

“Viktimat e dhunës seksuale kanë nevojë për drejtësi, por edhe për përkrahjen tonë shoqërore për të luftuar stigmën që i përcjellë”, shkroi ai.

Kurti më tej tha se krimet e luftës nuk parashkruhen, dhe nuk mund të kenë amnisti për këtë krim të kryer gjatë luftës në Kosovë, këtë armë lufte të përdorur nga okupatori.

Dhuna seksuale gjatë viteve 1998 – 99 është përdorur si mjet lufte në vazhdimësi në Kosovë. Mijëra gra e burra,…

Posted by Albin Kurti on Monday, July 5, 2021

Related posts

Millo Gjukanoviq thotë se BE-ja duhet t’i japë Kosovës liberalizimin e vizave

N E

Nis inspektimi i masave antiCOVID-19, policia me Sveçlën bëhen bashkë në aksion

D V

Helmimi i 1500 qytetarëve në Deçan/ Arrestohet zyrtari i pyjeve

R Zh

This website uses cookies to improve your experience. We'll assume you're ok with this, but you can opt-out if you wish. Accept Read More