Kurti, Trumpit: Mezi presim të punojmë së bashku

Kryeministri i Republikës së Kosovës, Albin Kurti, ka uruar Donald Trumpin, për fitoren në zgjedhjet presidenciale në SHBA.

Kurti, përmes një postimi në “X”, ka thënë se SHBA-ja është aleat, mik dhe partner kyç i Kosovës, shkruan IndeksOnline.

“Urime presidentit Donald Trump, për fitoren tuaj elektorale. SHBA-ja është një aleat, mik dhe partner kyç i Kosovës dhe ne mezi presim të punojmë së bashku për përparim dhe paqe”, shkroi Kurti.

Trump do të jetë presidenti i 47-të i SHBA-së, pasi triumfoi në zgjedhjet presidenciale kundër kandidates demokrate, Kamala Harris.