Koçan, 20 mars – Policia para pak kohësh arrestoi dy ish-kryetarët e Komunës së Koçanit, Ratko Dimitrovski nga VMRO-DPMNE, Nikolço Iliev nga LSDM dhe Ljupço Papazov, po ashtu nga VMRO-DPMNE, i cili dha dorëheqje pas tragjedisë në Koçan, transmeton Zhurnal.mk
Ende nuk ka detaje të sakta, por kryetarët e komunave janë ndaluar për shkak të tragjedisë që ndodhi në Koçan më 16 mars 2025, ku humbën jetën 59 persona dhe u plagosën rreth 200.
Diskoteka fatale funksiononte që nga viti 2012, në mandatin e Ratko Dimitrovskit dhe ishte e hapur deri në natën fatale, transmeton Zhurnal.mk
Ndryshe, gjatë lajmeve të sotme portali Plusinfo ka raportuar se Ratko Dimitrovski ka qenë kundër hapjes së diskotekës, e cila megjithatë është hapur gjatë mandatit të tij.
Sot 30 të ndjerë janë varrosur në Koçan, të tjerët janë varrosur në disa qytete të Maqedonisë, transmeton Zhurnal.mk
Aksionin e ka konfirmuar edhe Prokuroria Publike.
Një aksion i ekipeve policore është duke u zhvilluar, me urdhër të Prokurorisë Themelore Publike të Koçanit, lidhur me procedurën e zjarrit në klubin “Pulse”. Operacioni për ndalimin e personave të dyshuar për përfshirje do të zgjasë gjatë gjithë natës, ndërsa prokuroria do të njoftojë më shumë pas përfundimit të operacionit nesër, njoftoi Prokuroria Publike, transmeton Zhurnal.mk