LAVDIA

Poezi nga: Jorge de Sena
Përktheu: Maksim Rakipaj

Një ditë do të shihet se bota nuk përjetoi ndonjë dramë.

Gjithë ato beteja, gjithë ato krime,
gjithë ata fëmijë që s’arritën të rriten

të cilët sapo u lindën vdiqën,
gjithë ata poetë të shpuar nga plumbat
dhe gjithë poetët e tjerë që u lanë në mëshirë të fatit
prej atyre që s’patën guxim të vrisnin njeri,
gjithë kjo rini, e mashtruar, e grabitur
dhe të tjerë që vdiqën duke ditur se vidheshin
gjithë ky gjak i mpiksur në faqe të dheut,
gjithë kjo është e kundërta e lavdisë së gjetjes së gabimeve.

Një ditë do të shpëtojmë nga vdekja pa reshtur së vdekuri.