Agjencia Zhurnal.mk
Bota

Lavrov: Armenia rikonfirmon angazhimin për marrëveshjen e Karabakut

Ministri i Punëve të Jashtme të Rusisë, Sergey Lavrov, tha sot se Armenia ka rikonfirmuar angazhimin e saj në marrëveshjen e Karabakut, e cila përfundoi përleshjet e armatosura me Azerbajxhanin më herët gjatë muajit, transmeton Anadolu Agency (AA).

Duke folur në një konferencë për media pas vizitës së tij në Jerevan, ministri Lavrov tha se kryeministri dhe presidenti armen e kuptojnë që marrëveshja nuk ka asnjë alternativë dhe riafirmuan synimin e tyre për ta zbatuar atë.

“Njëzëri u theksua se përpjekjet për të vënë në dyshim këtë marrëveshje, jo vetëm brenda por edhe jashtë, janë të papranueshme”, tha ai.

Marrëdhëniet midis ish-republikave sovjetike të Azerbajxhanit dhe Armenisë kanë qenë të tensionuara që nga viti 1991, kur ushtria armene pushtoi Malësinë e Karabakut, një territor i njohur si pjesë e Azerbajxhanit, si dhe shtatë rajone të tjera fqinje.

Përleshjet e reja shpërthyen më 27 shtator dhe ushtria armene vazhdoi sulmet e saj ndaj civilëve dhe forcave azerbajxhanase, madje duke shkelur marrëveshjet humanitare të armëpushimit për 44 ditë.

Gjatë 44 ditëve, Baku çliroi disa qytete dhe afër 300 vendbanime dhe fshatra nga pushtimi armen.

Më 10 nëntor, dy vendet nënshkruan një marrëveshje të ndërmjetësuar nga Rusia për t’i dhënë fund luftimeve dhe për të punuar drejt një rezolute gjithëpërfshirëse.

Postime të ngjashme

Investigimi/ Dosjet sekrete zbulojnë se si miliarderët amerikanë shmangin taksën mbi të ardhurat

Bekim Laçi

Stoltenberg: Rritja e Kinës sfida që duhet t’i përgjigjemi së bashku

Bekim Laçi

Netanyahu dorëzon pushtetin pa ceremoni

Bekim Laçi

Çfarë duhet të presim nga takimi Biden-Putin?

Bekim Laçi

Kina do ta kthejë provincën Zhejiang në Zonë Pilot për Begati të Përbashkët

Bekim Laçi

Britania mund të shtyjë heqjen e masave kundër koronavirusit

Bekim Laçi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...