Real Madridi ka arritur fitore 3-2 ndaj Barcelonës në El Clasicon e së dielës mbrëma në një sfidë spektakolare.
Barcelona qysh në pjesën e parë mbeti pa njërin nga yjet kryesorë të skuadrës, mesfushorin Frenkie de Jong që pësoi lëndim.
Holandezi u lëndua pas një përplasje me Federico Valverden në fund të pjesës së parë, përplasje që do t’i kushtojë atij shumë.
Mundo Deportivo ka raportuar se De Jong ka lënduar kyçin e këmbës dhe kjo nuk është hera e parë këtë edicion që ai pëson një lëndim të tillë.
Sipas mediumit spanjoll, mesfushori holandez në El Clasico ka lënduar për herë të tretë kyçin e këmbës së djathtë.
26-vjeçari pritet që ta humbas këtë edicion me fanellën e Barcelonës, pasi edhe klubi katalunas ka mbetur jashtë objektivave.
De Jong do t’i humbas ndeshjet në La Liga ndaj Valencias, Gironas, Real Sociedad, Almerias, Rayo Vallecanos dhe Sevillas.