Agjencia Zhurnal.mk
Bota

Lidere në botë…Gjermania rrit kapacitetin e prodhimit të vaksinës

Gjermania po tenton të bëhet prodhuesja më e madhe e vaksinave në botë.

Fabrika e “BioNTech” në Marburg është vetëm fillimi. Brenda pak muajsh, ky vend është kthyer në një nga prodhuesit më të rëndësishëm të vaksinës anti Covid. Sasia e parë e vaksinës e prodhuar në Marburg, ka dalë nga fabrika për të shkuar në një tjetër impiant mbushjeje, në Puurs të Belgjikës. Dozat e gatshme më pas shpërndahen dhe pas kontrollit të fundit, administrohen.

Me mbi 250 milionë doza në tre muaj në Marburg, “BioNTech” synon të përshpejtojë në të gjithë botën vaksinimin kundër koronavirusit. Ajo e Marburgut është më e madhja, por jo e vetmja me të cilën gjermania po synon të rrisë prodhimin.

Gjermania, thonë ekspertët, brenda disa muajsh është ngritur duke u bërë një nga vendet me më shumë peshë për prodhimin e vaksinës në botë. Por, fabrikat gjermane, janë sidoqoftë të varura nga disa procese pune në fabrika të tjera evropiane. Një numër kompanish të tjera do të angazhohen ndërkohë në vijim në muajt e ardhshëm në këtë proces. Do të ketë partnerë të tjerë, kompani të specializuara për mbushjen e vaksinës së “BioNTech”, si psh “Baxter”, “Allergopharma”, “Siegfried” etj.

Deri në fund të qershorit, pritet që edhe vaksina e dytë e prodhuar në gjermani, ajo e Curevac, të lejohet në BE.  Ajo synon të prodhojë 100 milionë doza në Heidelberg në bashkëpunim me partnerë të mëdhenj si Bayer. Në Gjermani, procesi i vaksinimit të popullatës nuk ka ecur me ritme të kënaqshme, por me masat e reja, synohet që problemet me furnizimin e vaksinave, të zerohen. Ekspertët mendojnë se mutacionet e virusit do të kërkojnë edhe vaksina pasuese. Kjo do të thotë se puna do të vazhdojë në një plan afatgjatë.

Ndërkohë që, kapacitete të tilla do të duhet të ruhen edhe pandemi të tjera të mundshme në të ardhmen.

Postime të ngjashme

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

Guterres riemërohet Sekretar i Përgjithshëm i OKB-së

Dafina Vidishiqi

Minatorët gjejnë diamant në Botsvana, mund të jetë i treti më i madh në botë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...