Liga Unike ka marrë disa vendime të rëndësishme në mbledhjen e bordit.
Gjatë ditës së djeshme, Bordi i Ligës Unike është mbledhur për të diskutuar dhe për të marrë disa vendime për ndryshimin e rregullores, shkruan lajmi.net.
Njëri nga këto ndryshime ishte edhe ndryshimi i rregullit që vendi i fundit i sezonit të kaluar të mos marrë pjesë në këtë edicion në Ligën Unike.
Tani e tutje, vendi i fundit do të ketë mundësinë të paraqitet sërish në Ligën Unike.
“Shfuqizohet Neni 3.3 i Rregullores së Garave të edicionit 2020/2021 i cili e pamundësonte skuadrën e fundit të renditur të edicionit paraprak të Ligës Unike të merrte pjesë në edicionin vijues të Ligës Unike pavarësisht renditjes në kampionatin nacional”, deklaroi Liga Unike përmes llogarisë zyrtare në Facebook.
Liga Unike pritet të fillojë në muajin tetor dhe para nisjes së Ligës do të organizohet edhe Kupa Mbarëkombëtare.