Kosovë

Limaj takon ambasadorin e ri të Hungarisë̈, diskutojnë për liberalizimin e vizave

Zhurnal Ads

Kryetari i Nismës Socialdemokrate, Fatmir Limaj, priti sot në takim ambasadorin e ri të Hungarisë̈ në Kosovë, Jozsef Bencze, me të cilin ka biseduar për situatën në vend në këtë kohë pandemie, liberalizimin e vizave, rritjen e bashkëpunimit në ekonomi, edukim, siguri, etj.

Kryetari Limaj theksoi se Hungaria është një nga vendet që vazhdimisht e kanë mbështetur çështjen e liberalizimit të vizave, ku Kosova tashmë i ka përmbushur të gjitha kriteret për liberalizim dhe është e padrejtë që qytetarët tanë të mbesin edhe më tej të izoluar.

Ndërsa, ambasadori i Hungarisë në Kosovë, Jozsef Bencze, u shpreh se qeveria hungareze është e gatshme të mbështes me gjithë ekspertizën e saj shtetin e Kosovës në rrugën e saj të integrimeve euro-atlantike.

Sipas një komunikate të Nismës, kryetari Limaj dhe ambasadori Bencze diskutuan edhe për projektet që do të financohen përmes marrëveshjes financiare mes Hungarisë dhe Kosovës për shkëmbimin e ekspertizës.

Kryetari Limaj ka falënderuar ambasadorin Bencze për ndihmën që shteti hungarez ka dhënë në vazhdimësi për Kosovën, me theks të veçantë në fushën e sigurisë, veçmas atë të edukimit përmes bursave për studentët tanë.

Postime të ngjashme

Millorad Dodik: Bosnja nuk e njeh Kosovën

admin

Gjuajtje me armë zjarri në autostradën Prishtinë – Pejë, bllokohen dy anët e rrugët

admin

​Pesë të vdekur dhe 50 raste të reja me COVID-19 në Kosovë

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...