Agjencia Zhurnal.mk
Bota Kronika

“Lojrat” vrasëse online/ 11 vjeçari hidhet për vdekje në Itali pasi i shkroi nënës për “njeriun me kapuç”

Një djalë i vogël është hedhur drejt vdekjes nga 30 metra lartësi në Itali, pasi i kishte shkruar nënës së tij momentet e fundit për “burrin me kapuç të zi”, çka ka shtuar frikat për të tjera sfida online të tipit “Balena Blu”.

Policia në Napoli ka sekuestruar mjetet elektronike të 11-vjeçarit tragjik për të parë nëse ishte manipuluar për të marrë pjesë në lojra të sëmura vetëvrasjeje online, të cilat shënjestrojnë fëmijët apo njerëzit e dobët.

Mediat vendore raportonin se trupi i pajetë i fëmijës u gjet dje në oborrin e një pallati apartamentesh rezidenciale.

Mesazhi i tij i fundit për nënën e babain – të cilët përshkruheshin si njerëz “të njohur e të respektuar” në Napoli – i referohej një “njeriu me kapuç”, sipas La Repubblica.

Sot mediat sugjeronin se i vogli tragjik mund të jetë vdekur pasi merrte pjesë në një lojë vrasëse online të quajtur ‘Jonathan Galindo’.

Corriere del Mezzogiorno shpjegonte se e ashtuquajtura “lojë” bazohet në një burrë të frikshëm me kapuç që ngjan me personazhin e Goofy të Disney, i cili kërkon miqësi me viktimat në të gjitha rrjetet sociale si Facebook, Instagram, TikTok e Twitter.”

Loja e mbrapshtë ka si synim të marrë kontrollin e fëmijëve të rinj e të vegjël duke i nxitur ata të kryejnë një seri sfidash.

Pasi fëmijët e të rinjtë pranojnë miqësinë e tij në rrjetet sociale, atyre u kërkohet të kryejnë sfidat për të testuar “kurajon” e tyre mes të cilave përfshihen edhe vetë-lëndime.

Viktimat shpesh kërcënohen se publikim të të dhënave nëse nuk marrin pjesë.

Prindërit thonin se djali ishte një fëmijë “i lumtur e i qetë”, përveç një “mospërmbajtjeje të kohëve të fundit … ndoshta prej sfidës vrasëse që kishte marrë përsipër,” shkruante Corriere.

Gazeta thoshte se prindërit e tij të shtangur “ulërinin dëshpërueshëm, duke zgjuar të gjithë ndërtesën”, kur u njoftuan për hedhjen fatale të të voglit nga ballkoni.

Të tjerë prindër të shqetësuar në Napoli po kontaktojnë me njëri-tjetrin për lojën e sëmurë që shënjestron fëmijët.

Prokuroria po hetojn për kontaktet e fundit të fëmijës para vdekjes.

Më herët mediat kanë thënë se “loja” ka lindur nga Sfida e Balenës Blu, e cila është lidhur me rreth 100 vdekje fëmijësh e adoleshentësh në Rusi.

E përditshmja ‘The Sun’ shkruan: “Kjo sfidë është shfaqur fillimisht në 2016 dhe ‘detyrat’ e saj jepen online ose me anë të mesazheve apo postimeve në Instagram e Twitter.”

“Ju lutemi komunikomi me fëmijët tuaj për rrezikun e abuzimeve nga njerëz të tillë, dhe rekomandoni të mos marrin ose hapin mesazhe të tilla. Mes sinjaleve të problemit përfshihen: Marrja e mesazheve apo postimeve të lidhura me njëfarë Jonathan Galindo, një burrë që duket me fytyrën e pikturuar si Mickey Mouse apo si qen”.

“Marrja e mesazheve apo referencave për #f57, #f40 or #IMaWhale.

“Kontrolloni për ndryshime të theksuara të zakoneve të ngrënies apo te gjumit të fëmijëve tuaj”.

“Veshja e bluzave me mëngë të gjata për të fshehur vetë-lëndimet”.

“Bërja e fotove të aktiviteteve të tyre dhe dërgimi i tyre në llogari të panjohura për prindërit”.

Vitin e kaluar shefja e policisë së Devon e Cornwall në Angli, Kirsty Down shkruante:

“Kushdo që krijon këto lojra të tmerrshem është shumë i sëmurë! Komunikoni me fëmijët tuaj për zhvillime të tilla”.

Postime të ngjashme

Palestinezët anulojnë marrëveshjen me Izraelin për vaksinat, thonë se janë shumë afër datës së skadimit

Dafina Vidishiqi

Macron: Vizitori i parë i kancelares në Berlin

Dafina Vidishiqi

BE humb betejën ligjore ndaj kompanisë AstraZeneca për furnizimin me vaksina

Dafina Vidishiqi

Ky është shoferi i kamionit nga RMV, ku u sekuestruan 300 kg kokainë në Durrës

Dafina Vidishiqi

Arrestohet një person në Manastir, kapet me lëndë narkotike

Dafina Vidishiqi

Udhëtarët nga Mbretëria e Bashkuar do të duhet të hyjnë në karantinë me të mbërritur në Itali

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...