Sport

Lojtarët e Barçës duhet t’i përshtaten Messit – thotë De Jong

Zhurnal Ads

Lionel Messi mbetet futbollisti më i mirë në botë dhe u takon bashkëlojtarëve të tij te Barcelona të ndryshojnë për t’iu përshtatur atij, thotë mesfushori Frenkie de Jong.

Gjashtë herë fituesi i Topit të Artë po has në vështirësi për t’u përshtatur me sistemin e ri të lojës, 4-2-3-1, nën udhëheqjen e trajnerit të ri Ronald Koeman, pasi ka dështuar të shënojë gol nga loja e hapur në gjashtë ndeshjet e para këtë sezon.

Për më tepër, Messi e ka krijuar vetëm një shans në La Liga këtë sezon, duke i lënë hapësirë produktit të ri të akademisë, Ansu Fati, që ta marrë vëmendjen me pesë gola dhe një asiste në të gjitha garat.

Por De Jong këmbëngul se u takon lojtarëve të tjerë në skuadrën e Barçës të sigurohen se Messi ndodhet në pozitën e duhur për të prodhuar magjinë e tij.

“Kur e ke Messin në ekip, atëherë natyrisht se në ekip e ke lojtarin më të mirë në botë”, tha De Jong për UEFA-n.

“Duhet të përpiqesh ta fusësh në pozitën më të mirë në fushë për ta bërë dallimin dhe mendoj se ne duhet t’i përshtatemi atij. Kur ai e pranon topin në një pozitë nga e cila mund ta bëjë dallimin, ai e bën atë gjithmonë”, theksoi ai.

Postime të ngjashme

Shumë yje në garë për çmimin e shekullit

XH,I

Juventusi i Pirlos, i dyti më i dobët i dekadës së fundit, krahasimi i shifrave

S.B.

Luka Jovic nuk fshihet kur pyetet nëse Zidane dëshiroi ta largojë

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...