Agjencia Zhurnal.mk
Maqedoni

LSDM: Qeveria e përgatit pakon e re të masave, me kredi pa interes janë ndihmuar 1300 ndërmarrje

Shkup, 25 shtator, zhurnal.mk – Qeveria e udhëhequr nga LSDM-ja është duke përgatitur paketën e katërt të masave anti-krizë për qytetarët dhe ndërmarrjet, deri më tani, 1300 kompani me pothuajse 17.000 të punësuar janë ndihmuar me kredi pa interes, thuhet në kumtesën e sotme të LSDM-së.

Nga atje thonë se Qeveria e udhëhequr nga LSDM-ja, në javët e para që nga shpërthimi i pandemisë së koronavirusit, reagoi menjëherë me masa thelbësore dhe politika për të zbutur efektet negative në ekonomi.

“Si pjesë e masave për ndihmë për ekonominë, me linjën e kredisë pa interes KOVID-1, përmes Bankës së Zhvillimit, burime të reja financiare prej 5 milionë eurosh janë injektuar në ekonomi për 737 kompani, të cilat punësojnë mbi 6.509 njerëz nga sektorët më të prekur: turizmi, hotelieria dhe transporti i udhëtarëve, të cilët ishin të parët që u goditën nga kriza. Banka e Zhvillimit vendosi gjithashtu një linjë krediti KOVID-2 në vlerë prej 8 milionë euro, të cilat u aprovuan për 639 ndërmarrje vendase në të cilat punojnë 11.325 persona”, thuhet në kumtesë.

Nga LSDM mes tjerash thonë se me dy linjat e kreditit, përmes një procesi të hapur, gjithëpërfshirës, ​​mbështetën mbi 1.300 kompani vendase, shumica e tyre mikro ndërmarrje, të cilat punësojnë deri në 10 persona.

“Mbështetja për ekonominë nuk ndalet këtu. Pason paketa e katërt e masave antikrizë, përgatitja e së cilës është afër përfundimit dhe zbatimi i së cilës do të fillojë në periudhën tjetër. Si një parti e përgjegjshme, LSDM vazhdon me masat dhe politikat që nënkuptojnë kujdes të vërtetë për qytetarët dhe ekonominë”, thonë mes tjerash nga LSDM.

Postime të ngjashme

Punësime në Gjevgjeli, Dellçevë dhe Berovë të maqedonasve të deklaruar si shqiptarë?

Dafina Vidishiqi

Fadil Zendeli ia then bastionin ASh-së, Gostivari radhit pas Zendelit

Dafina Vidishiqi

Azem Sadiku nga PDSH do të rikandidojë për kryetar të Komunës së Studeniçanit

R Zh

Dokumentet personale, MPB azhuron sistemin, vonesa deri të martën

Dafina Vidishiqi

Ruzhin: Makron dhe Merkel mund ta zgjedhin problemin mes RMV-së dhe Bullgarisë

R Zh

Lëvizja BESA vazhdon ristrukturimin, sonte u themeluan nëndegët e fshatit Çajlë dhe Forinë

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...