Bota

Macron: Evropa në zi, një nga tanët u sulmua nga terrorizmi islamik

Presidenti i Francës, Emanuel Macron, ka reaguar pas sulmit terrorist në Vjenë, duke thënë se Evropa është në zi pas këtij sulmi.

Përmes një postimi në llogarinë e tij në Twitter, Macron ka thënë se Franca është e gatshme t’i dalë në ndihmë Austrisë.

“Evropa është në zi. Njëri nga tanët është goditur rëndë nga terrorizmi islamik. Bashkëndiejmë me familjet e viktimave. Franca është përkrah Austrisë dhe e gatshme t’i dalë në ndihmë”, ka shkruar Macron.

Ndryshe, Policia e Vjenës ka konfirmuar se tre persona kanë vdekur nga sulmi terrorist që ka ndodhur mbrëmë.

Përmes Twitter-it, nga ky institucion thonë se bëhet fjalë për dy burra dhe një grua që kanë vdekur pasi që janë qëlluar me armë zjarri.

Gjithashtu, bëhet e ditur se gjithsej 15 persona kanë mbetur të plagosur pas sulmit, derisa në mesin e tyre është edhe një oficer policie.

Sulmi ishte organizuar nga së paku një person, që është qëlluar dhe vrarë nga policia, thuhet në njoftimin e Policisë së Vjenës, derisa bëhet e ditur se ky sulm terrorist është bërë me motive islamike.

Postime të ngjashme

Holanda shënon rekord të rasteve ditore të koronavirusit

admin

Turqia shpëton 11 refugjatë të shtyrë mbrapa nga roja bregdetare greke

admin

Pasiguria në zgjedhjet në SHBA trondit tregjet financiare

H S
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...