Agjencia Zhurnal.mk
Maqedoni TOP LAJM

Male dhe ishuj me plehra, alarm për krizën e mbeturinave në Ballkan

Shkup, 22 janar – I rrethuar nga kodrina dhe fshatra, ujërat e liqenit Potpecko në Serbinë perëndimore, kanë qenë dikur një vend piktoresk peshkimi.

Por, kohët e fundit, vetëm era e ujit në këtë liqen mjaftonte për të zbrapsur çdo vizitor. I gjithë liqeni është mbushur me masa të stërmëdha mbeturinash duke u kthyer në një landfill gjigant në rajon, që ka nxjerrë krizën e mbeturinave në Ballkan, edhe një herë në plan të parë.

Ujërat e liqenit në fakt shihen pak tani pasi mbi to, qëndrojnë rreth 8 mijë metra kubë shishe plastike dhe mbetje të tjera, të përziera me shkopinj dhe baltë.

Ballkani perëndimor, kujton AFP, mban disa nga lumenjtë e egër të Evropës dhe panoramat më të kristalta të natyrës. Por, dështimi i sistemeve të menaxhimit të mbetjeve në rajon, po kërcënon ambjentin dhe shëndetin publik. Shirat e rrëmbyeshëm në janar, e nxorën edhe një herë në pah problemin e hershëm, pasi përmbytjet morën me vete mbeturinat nga rrugët dhe vendet e tjera të paligjshme të mbledhjes së tyre, duke i dërguar në lumenj.

Në të gjithë rajonin në fakt, menaxhimi i mbeturinave mbështetet në buxhete të vogla dhe zyrtarët nuk e konsiderojnë aspak një emergjencë. Riciklimi është minimal ndërsa vendet e paligjshme të grumbullimit janë të zakonshme.

E njëjta panoramë me atë në serbi, mund të shihet edhe në Bosnje dhe Maqedoninë e veriut, në panoramat e këndshme malore të të cilës, nuk mungojnë mbeturinat e të gjitha llojeve. Vendgrumbullime të paligjshme po ashtu rrethojnë edhe kryeqytetin Shkup. Situata, është po kaq e rëndë edhe në Kosovë, ku vetëm gjysma e 1.8 milionë banorëve mbulohet nga shërbimet e mbledhjes së mbeturinave.

Postime të ngjashme

“Qeveria furnizohet me automjete zyrtare, por jo dhe me zjarrfikëse dhe ambulanca”

Z H

Gjendet një trup i pajetë në lumin Vardar

Z H

Pendarovski: Armata është e gatshme të intervenojë kudo

Z H

Në manifestimin “Dita e Republikës” në Krushevë, në prezencën e Ahmetit dhe Grubit gjuha shqipe u la në “harresë”, reagojnë funksionar të BDI-së

R Zh

Vuçiç: Serbia është e gatshme të nisë helikopterët për të shuar zjarret në Maqedoni

Z H

Angellov: Nevojitet reformë e plotë e sistemit për menaxhim me kriza

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...