Manastirliu në Komisionin e Shëndetësisë: Brenda dhjetorit vijnë mbi 500 mijë doza vaksine Pfizer dhe 400 mijë doza nëpërmjet Covax

Ministrja e Shëndetësisë dhe Mbrojtjes Sociale, Ogerta Manastirliu në seancën dëgjimore në Komisionin për Punën Çeshtjet Sociale dhe Shëndetësinë ka thënë se në bazë të marrëveshjes së re me kompaninë Pfizer pritet që brenda këtij viti të vijnë 500,760 doza Pfizer që do të shërbejnë për të rritur mbulesën vaksinale.

“Kjo marrëveshje vjen si një marrëveshje e cila do të rrisë furnizimin me vaksina. Një marrëveshje që realizohet në sajë të bashkëpunimit me Pfizer pas marrëveshjes së parë ku erdhën 500 mijë vaksina. Vjen ky amendim për 500,760 doza vaksine të cilat priten të levrohen brenda muajti dhjetor të këtij viti. Ndërkohë përmes instrumentit Covax deri në fund të vitit presim edhe rreth 400 mijë doza vaksine që pritet të mbërrijnë në Shqipëri”, tha Manastirliu. Në fjalën e saj Manastirliu tha se në sajë të marrëveshjeve me kompani të ndryshme por edhe më partnerë si BE dhe shtete anëtarë në vendin tonë kanë mbërritur më shumë se 2 milionë doza vaksine. Lidhur me vaksinimet e kryera, Manastirliu tha se janë vaksinuar rreth 44% e popullësisë target, mbi 18 vjeç. Manastirliu bëri me dije se janë në negociata me kompaninë Pfizer për të siguruar vaksina të tjera për vitin që vjen për të rritur mbulesën vaksinale dhe për t’iu përgjigjur çdo skenari.

“Ne jemi në negociata me Pfizer për nënshkrimin e marrëveshjeve për të siguruar vaksina për vitin tjetër dhe në vazhdim për të rritur mbulesën vaksinale dhe për t’iu përgjigjur çdo skenari që Komitetet tona do të vendosin për të siguruar vaksinimin e popullatës” tha Manastirliu. Prej fillimit të vaksinimit janë kryer në total 1,764,714doza të vaksinës ndaj COVID19. Prej tyre 811,765 qytetarë i kanë kryer të dy dozat e vaksinës antiCOVID dhe 952,949 kanë kryer njërën dozë.

Related posts

Edi Rama për arrestimin e kryebashkiakut të Lushnjes: Të përgjigjet vetë para drejtësisë

N E

SHBA paralajmëron goditje tjetë ndaj korrupcionit në nivel të lartë në Shqipër dhe rajon: Do t’i përdorim në mënyrë agresive mekanizmat kundër korrupsionit

N E

Rama takohet me Zaev, ja axhenda e Forumit Ekonomik për Bashkëpunimin Rajonal

D V

This website uses cookies to improve your experience. We'll assume you're ok with this, but you can opt-out if you wish. Accept Read More