Mancini: Do të ishte e mrekullueshme ta fitonim Ligën e Kombeve pas Kampionatit Evropian

Roberto Mancini është duke u përgatitur për ndeshjen ndërmjet Italisë dhe Spanjës në Ligën e Kombeve duke thënë se triumfi në këtë garë pas ‘Euro 2020’, do të ishte gjë e mrekullueshme.

Azzurrët nuk kanë pësuar humbje në 36 ndeshje dhe të mërkurën përballen me La Roja në kuadër të gjysmëfinales në Ligën e Kombeve.

Fituesi do të luajë në finalen e San Siros të dielën kundër Francës ose Belgjikës.

Përzgjedhësi i Italisë ka thënë se Spanja (me të cilën u ndesh në gjysmëfinale të Kampionatit Evropian) ishte skuadra më e vështirë me të cilën u përball ekipi i tij.

“Do të ishte fantastike ta fitonim (Ligën e Kombeve) pas Kampionatit Evropian dhe do të ishte e përsosur të kualifikoheshim në Kampionatin Botëror më herët, por nuk do të jetë lehtë”, ka thënë Mancini për faqen e UEFA-s.

Për shkak të kufizimeve nga COVID-19, stadiumet në Itali janë të hapur vetëm me 50 për qind të kapacitetit, prandaj Stadio Giuseppe Meazza do të jetë gjysmë i mbushur.

Related posts

Atalanta dëshiron 60 milionë euro për Romeron

D V

Fjalët e para të Camavingas si lojtar i Real Madridit

D V

Taip Ramadani caktohet si trajner i Australisë në hendboll

D V

This website uses cookies to improve your experience. We'll assume you're ok with this, but you can opt-out if you wish. Accept Read More