Agjencia Zhurnal.mk
Maqedoni TOP LAJM

Maqedonia e Veriut në pritje të donacioneve me vaksina kundër Covid 19

Shkup, 27 dhjetor – Ndonëse me doza simbolike, procesi i imunizimit anti kovid filloi në shtetet e Bashkimit Evropian. Pasi mbrëmë nga kompania farmaceutike “Pfizer” u shpërndanë nga një kontingjent prej 9,750 dozash të vaksinave kundër CoVid-19 në vendet e BE-së, në mëngjesin e së dielës nisi vaksinimi. Kryetarja e Komisionit Evropian Ursula von der Leyen, tha se imunizimi gjithëpërfshirës i popullsisë së familjes Evropiane është moment emocionues dhe sukses i radhës i përbashkët i BE-së.

“Po hapim një kapitull të rëndësishëm në luftën kundër CoVid-19. Filluam që të gjithë qytetarët të marrim vaksinën ndaj këtij virusi. Bashkimi Evropian ka porositur sasi të mjaftueshme të vaksinave nga Pfizer dhe BioNtech për 450 milion qytetarët tanë dhe në të gjitha shtetet anëtare do të arrijnë sasi dozash në mënyrë sistematike.”-tha Ursula von der Leyen, Kryetare e Komisionit Evropian. 

Në Gjermani vaksinat e para i morën kategoritë e rrezikuara ku në krye të listave janë personat mbi 80 vjeç dhe personeli mjekësor që janë të ekspozuar drejtpërdrejtë ndaj rrezikut nga virusi korona. Ata dhanë vaksina përmes ekipeve mobile. Në mënyrë pothuajse solemne vaksinimi filloi edhe në Francë, Spanjë, Hungari, Sllovaki, Kroaci, Greqi dhe në shtetet tjera. Në Athinë vaksinimi nisi nga shtëpia e të moshuarve dhe infermieret e spitaleve, ku të parët ishin një motër medicinale dhe një 88 vjeçar.

Nga ana tjetër, vendi ynë mbetet të pritje të premtimeve për donacione nga Bullgaria, Greqia, Polonia dhe Austria. Siç paralajmëruan autoritetet shëndetësore, porosia në Shkup mund të arrijnë nga kontingjenti i dytë i vaksinave, gjatë muajit janar. Por, nga Qeveria thonë se përveç donacioneve, blerja e parë është bërë përmes sistemit “Covax” që do të arrijnë në muajin mars.

Deri më tani fikse është vetëm numri prej 833 mijë vaksinave, për të cilat shteti ynë pagoi mjete dhe me këto doza mund të planifikojmë operimin. Dinamika e distribuimit të vaksinave nëpër vendet e botës diktohet nga sistemi ‘Covax’. Siç vinë kontingjentet e vaksinave nga prodhues të ndryshëm farmaceutik në mënyrë të barabartë do të shpërndahen në të gjitha vendet e rajonit dhe Evropës.”-thonë nga Qeveria e Republikës së Maqedonisë së Veriut.

Por euforisë së arritjes së vaksinës i dha një vërejte Organizata ndërkombëtare e policisë kriminale “INTERPOL”. Drejtoresha e këtij institucioni Katerina De Bol paralajmëroi se sipas informacioneve të tyre ekziston rreziku potencial për vaksina të rrejshme kundër CoVid-19. Njëshi i Interpolit tha se grupet e organizuara kriminale bëjnë përpjekje të falsifikojnë vaksinën dhe të japin oferta të rrejshme pas kërkesës shumë të madhe në tregun botëror. Interpol bëri thirrje që këto kontigjente të ruhen me siguri të larë për shkak se ekziston rreziku edhe i vjedhjes së rezervave të tyre.

Postime të ngjashme

Përfundoi debati i përgjithshëm rreth propozim ligjit për plotësimin e Ligjit për financimin e njësive të pushtetit lokal

R Zh

Vestager: Të respektohen rregullat e BE-së në planet kombëtare të rimëkëmbjes

T E

Lefkov: Për lëshimet e platformës së regjistrimit nuk është fajtor populli

T E

Qeveria e miratoi Protokollin shëndetësor për zbatimin e regjistrimit

T E

Analistët për Zhurnal: Problemi me bullgarët do të jetë më shumë serioz se ai grek

Z H

Qeveria miraton Propozim ligjin për shpallje të malit Sharr si Park Kombëtar

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...