Maqedoni

Mariçiq: Grup pune për zbatimin e Ligjit për gjuhët në gjyqësor

Zhurnal Ads

Shkup, 8 tetor – Rekomandimet e Komisionit të Venecias mbi zbatimin e Ligjit për përdorimin e gjuhëve akoma nuk janë hapur për diskutim në Qeveri. Për zbatimin e ligjit në procedura gjyqësore, ministri i Drejtësisë, Bojan Mariçiq paralajmëron formimin e grupit të punës mes ekspertëve dhe partive politike për të harmonizuar dhe lehtësuar procedurat juridike. Zbatimi i tij do të nisë duke e kryqëzuar me Ligjin për procedurë penale.

Ligji për procedurë penale duhet miratuar me 2/3 e votave dhe këtë duhet ta kemi parasysh. Dispozitat e tij duhet të sjellin zgjidhje serioze progresive në sistem. Kam urdhëruar formimin e grupit të punës i cili duhet të përfshijë edhe ekspert edhe përfaqësues të partive politike në Kuvend. Të gjitha argumentet duhet shpalosur. Qëllimi është të sjellim ligj i cili do t’i anashkalojë mangësitë në ligjin aktual – tha Bojan Mariçiq, ministër i Drejtësisë.

Paraprakisht Mariçiq thotë se rekomandimet e Komisionit të Venecias duhet shqyrtuar gjerë e gjatë nga një grup i posaçëm pune.

Sigurisht se duhet ta shqyrtojmë këtë çështje. Duhet formuar një lloj grupi i punës i cili do t’i shqyrtoj vërejtjet dhe komentet e Komisionit të Venecias – deklaroi Bojan Mariçiq, ministër i Drejtësisë.

Në rekomandimin e fundit të Komisionit të Venecias potencohet nevoja e një periudhë kohore prej disa vitesh që ligji për gjuhët të gjej zbatimin e plotë në gjyqësor. Zbatimi i tij në gjyqësor shkon përtej standardeve evropiane dhe nuk ka bazë eksplicite kushtetuese prandaj rekomandohet shfuqizimi i tërësishëm i dispozitave për dygjuhësi në gjyqësor. Pas dërgimit të ligjin në Komisionin e Venecias nga ana e Qeverisë, partnerët e koalicionit LSDM dhe BDI kishin acaruar qëndrimet mes deklaratave se rekomandimet duhet përfshirë në ligj dhe qëndrimit të prerë se ligji nuk do të pësojë ndryshime.

Postime të ngjashme

Sot hapet Laboratori për Menaxhim të Krizave pranë Akademisë Ushtarake

XH,I

Mbështetje nga SHBA-ja për kyçjen e vendit në projektet energjetike rajonale

Z H

Shahpaska: Vitin e ardhshëm ligj të ri për marrëdhënie pune

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...