Marrëveshja Kosovë-Serbi për targat/ Ministrja Xhaçka: Vazhdimi i dialogut i shërben bashkëpunimit

Ministrja e Jashtme, Olta Xhaçka ka përshëndetur arritjen e marrëveshjes mes Kosovës dhe Serbisë, në Bruksel, për reciprocitetin e targave. Përmes një shënimi në Twitter, Xhaçka shkruan se vazhdimi i dialogut është e vetmja mënyrë, në frymën e bashkëpunimit. “Shqipëria përshëndet marrëveshjen e arritur sot në Bruksel mes Kosovës dhe Serbisë. Vazhdimi i dialogut është e vetmja mënyrë për të ecur përpara në frymën e bashkëpunimit, ndaj të cilit Shqipëria është e angazhuar në mënyrë të pakthyeshme në përpjekjet e saj dypalëshe dhe shumëpalëshe”, shkruan Xhaçka.

Palët janë pajtuar për tri pika kyçe:

1.Njësitet speciale policore të vendosura në pikëkalimet e përbashkëta kufitare në Jarinjë dhe Bërnjak do të largohen bashkë me barrikadat, duke nisur nga 2 tetori, nga ora 08:00 deri në orën 16:00 të asaj dite. Misioni i NATO-s në Kosovë, KFOR do të angazhohet në këto dy pika në Jarinjë dhe Bërnjak, para nisjes së tërheqjes të zyrtarëve policorë dhe barrikadave, dhe do të mbetet aty për dy javë për të garantuar sigurinë.

2.Nga 4 tetori, do të nisë së zbatuari regjimi i letrave ngjitëse, në vend të heqjes së targave të makinave të regjistruara në Kosovë dhe Serbi, si masë e përkohshme, deri në gjetjen e një zgjidhjeje të përhershme.

3.Më 21 tetor do të nisë punën një ekip i përbërë nga zyrtarë të Bashkimit Evropian, Prishtinës dhe Beogradit për të gjetur një zgjidhje të përhershme. Brenda gjashtë muajve, prej nisjes së takimit të parë, i ashtuquajtur Grup Punues, do të prezantojë gjetjet për një zgjidhje të përhershme në formatin e dialogut të nivelit të lartë.

Related posts

Ambasadorja Kim takon anëtarët e KPK: Procesi i Vettingut duhet të jetë i lirë, pa presione e sulme

D V

Covid 19/ Lindita Nikolla e nis seancë me thirrje ndaj deputetëve për vaksinim

D V

Çfarë duhet të dini nëse udhëtoni pas datës 5 korrik drejt ishujve grekë, kushtet që duhen plotësuar

D V

This website uses cookies to improve your experience. We'll assume you're ok with this, but you can opt-out if you wish. Accept Read More