Agjencia Zhurnal.mk
Teknologji

Marrëveshje miliarda dollarësh për TikTok-un, blerësi pritet të konfirmohet së shpejti

TikTok thuhet se është një kompani që dëshiron ta blejë biznesin e tyre në SHBA, Zelandën e Re dhe Australi dhe mund të bëjë një njoftim në lidhje me shitjen këtë javë.

CNBC raportoi se njoftimi mund të vinte qysh sot, duke cituar burime të njohura me këtë çështje.

Kompania duhet të finalizojë shitjen brenda disa javësh për të shmangur ndalimin e operacioneve të saj të urdhëruar nga presidenti Donald Trump, shkruan Business Insider. Kina e ndërlikoi më tej afatin kohor të premten, kur njoftoi rregulla të reja që mund t’i japin qeverisë kineze të drejtën e vetos mbi një shitje të mundshme, transmeton Telegrafi.

TikTok është aplikacioni i vetëm kinez që është me të vërtetë i suksesshëm në të gjithë botën. Pothuajse të gjitha aplikacionet e tjera kurrë nuk janë dal jashtë Kinës.

Tani ka zëra aktualë që aplikacioni i njohur mund t’i shitet një kompanie amerikane për 20 deri në 30 miliardë dollarë amerikanë. Sipas CNBC, Bytedance, e cila zotëron TikTok-un, tashmë ka vendosur për një blerës. Microsoft dhe zinxhiri i supermarketeve Walmart, së bashku me Oracle, janë dy pretendentët kryesorë për ta blerë TikTok-un, shkruan CNBC.

Një mori blerësish të tjerë të mundshëm janë përfolur gjatë javëve të fundit, duke përfshirë Netflix, Apple dhe Alphabet. Analistët presin që çmimi i shitjes të jetë rreth 20 deri në 30 miliardë dollarë.

Bytedance, aktualisht po kontrollon nëse marrëveshja mund të shkojë siç është planifikuar.

Kompania mëmë kineze e TikTok, Bytedance, tha gjatë fundjavës se do t’i duhej një licencë nga qeveria kineze përpara se të shesë tek një kompani amerikane.

Postime të ngjashme

Nokia X20 sjell smartfon 5G nën 350 euro

S.B.

Pas Facebook, alarm për Linkedin – 500 milionë profile dalin në shitje në “Dark web”

S.B.

SHBA-ja sanksionon prodhuesit kinezë të kompjuterëve

S.B.

Mineralet nga fundi i oqeanit mund të përdoren për prodhimin e baterive të veturave elektrike

S.B.

Facebook dhe Instagram bien përsëri për shumë përdorues

S.B.

Prezantohen 6 telefona inteligjentë të rinj nga Nokia

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...