Shkup, 19 korrik – Ministria e Arsimit dhe Shkencës dhe Byroja e Zhvillimit të Arsimit rikujtojnë se në rrjedhë është konsultimi publik për programet mësimore të shtyra nga klasa e shtatë deri në klasën e nëntë, me qëllim që palët e interesuara, veçanërisht mësimdhënësit, të njoftohen dhe nëse kanë sugjerime dhe propozim zgjidhje për ndryshime të mundshme, të japin mendimin e tyre të argumentuar për përmirësimin e tyre.
Vërejtjet/sugjerimet dhe propozim-zgjidhjet për çdo program mësimor të caktuar shënohen në formularin në vazhdim dhe i njejti dërgohet në adresën elektronike për klasën përkatëse: nastavniprogrami7@mon.gov.mk; nastavniprogrami8@mon.gov.m; nastavniprogrami9@mon.gov.mk;
Programet mësimore mund të shkarkohen nga ueb faqja e Byrosë së Zhvillimit të Arsimit në pjesën Njoftime/Konsulltim publik.
Formularët e plotësuar mund të dorëzohen më së voni deri më 31 gusht.
Ministria e Arsimit dhe Shkencës njofton se në interes të transparencës së procesit, MASH dhe BZHA do të ndajnë sugjerimet e marra ndërsa sublimimi i vëzhgimeve të marra, si dhe aktivitetet e ndërmarra do të prezantohen publikisht.
MASH thekson se programet e reja mësimore do të zbatohen me faza, nga viti shkollor 2025/26 në klasën e shtatë, 2026/27 në klasën e tetë dhe në vitin 2027/28 në klasën e nëntë.
“Qeveria e re ka shtyrë zbatimin e Konceptit për arsimin fillor në klasën e shtatë, tetë dhe të nëntë për vitin shkollor 2024/25 për shkak të reagimeve të opinionit, veçanërisht në lidhje me integrimin e lëndëve të caktuara mësimore, që shkaktoi vështirësi në organizimin dhe realizimin e mësimdhënies. Prandaj, ndryshimet që pasojnë do të krijohen përmes konsensusit më të gjerë dhe respektimit të mendimit të mësimdhënësve”, theksohet në kumtesën e MASH-it.