Mashtruan një person duke ia shitë lokalin në pronësi të komunës së Istogut, arrestohen dy të dyshuarit

Dy persona (një grua dhe një burrë) janë arrestuar pasi dyshohet se ia kanë shitur një personi një lokal, që ishte në pronësi të komunës së Istogut.

Lajmin për Telegrafin e ka konfirmuar zëdhënësi i Prokurorisë në Pejë, Shkodran Nikçi.

Ai tha se rastin e ka denoncuar viktima me inicialet A.H dhe tashmë është bërë kërkesa për caktimin e masës së paraburgimit ndaj dy të dyshuarve me inicialet F.D dhe B.M të cilët janë të ngarkuar me veprën penale “Mashtrimi”.

“Rasti është denoncuar nga viktima. Personat e dyshuar pas një pune hetimore janë arrestuar dhe ndaj tyre është bërë kërkesa për caktimin e masës së paraburgimit”, tha ai .

Telegrafi po ashtu ka siguruar dhe Aktvendimin e këtij rasti të cilin mund ta shikoni më poshtë: