Mbërrin sot në Tiranë kryetarja e radhës e OSBE-së, Ann Linde

Mbërrin sot në Shqipëri kryetarja e radhës së OSBE, ministrja e Punëve të Jashtme e Suedisë, Ann Linde. Lajmi bëhet i ditur nga Prezenca e OSBE-së në Shqipëri, e cila njofton ardhjen e kryetares së radhës së OSBE, Ann Linde në Tiranë, ku do flasë për sigurinë dhe bashkëpunimin rajonal.

“Mirëpresim nesër për vizitë në Shqipëri kryetaren e radhës së OSBE, ministren e Punëve të Jashtme të Suedisë, Ann Linde. Në takimet me homologët e saj shqiptarë, kryetarja Linde do të flasë me ta për sigurinë dhe bashkëpunimin rajonal, si dhe për programin e reformave të vendit”, thuhet në njoftim e Prezenca e OSBE-së në Shqipëri.
Gjithashtu prezenca e OSBE-së në Shqipëri bën të ditur dhe axhendën e takimeve që do të zhvilloj ajo sot në vendin tonë.

Linde do të takojë Presidentin Ilir Meta dhe Ministren për Evropën dhe Punët e Jashtme Olta Xhaçka. Linde do të marrë pjesë në nënshkrimin e Memorandumit të Mirëkuptimit ndërmjet OSBE-së dhe Shqipërisë për fuqizimin e punës kundër rrezikut të shpërndarjes dhe keqpërdorimit të Armëve të Vogla dhe të Lehta. Takimi ndërmjet dy ministreve do të ndiqet nga një konferencë për shtyp në orën 11:40 në mjediset e Ministrisë së Punëve të Jashtme. Ajo do të takohet gjithashtu me Kryetaren e Kuvendit, me përfaqësues të shoqërisë civile dhe me Prezencën e OSBE-së në Shqipëri.

Related posts

Virussia: Si është kushtëzuar Serbia nga Rusia që të mos e njohë Kosovën?

D V

Tenderi i uniformave për policinë shqiptare, mungojnë 239 mijë artikuj

D V

Ambasada amerikane në Tiranë i bën thirrje Rusisë: Lirojeni menjëherë Alexei Navalnyn

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More